ცნობილია, რომ ფრინველებს წვრილი ქვებისა და კენჭების ყლაპვა უხეში საკვების სწრაფად მონელებაში ეხმარება.
ზოგიერთი ადამიანი კალციუმის ნაკლებობის გამო ცარცსა და თაბაშირს მიირთმევს, მაგრამ მოსკოველების ახალი გატაცება – ქვების ჭამა რაღაც ახალი და სრულიად უჩვეულოა.
პატარა, აბრეშუმივით პრიალა კენჭი, რომელიც ცისფერი ტალღებისა და იოდით გაჯერებული ჰაერის შეგრძნებას ტოვებს და ქვაში ასახული ბუნების სრულყოფილება ათი წლის წინათ ორი ესპანელი მზარეულის შთაგონების წყაროდ იქცა.
სან-სებასტიანში მცხოვრებმა ანდონი ანდურისმა საკვები კაოლინისგან (თეთრი ფერის თიხა) გემრიელი ქვების შექმნა გადაწყვიტა, ხოლო კიკე დაკოსტამ საჭმელი ქვები აზოტში გაყინული ზღვის ქაფისგან დაამზადა.
კრეატიული კულინარების ქვები საკმაოდ ნოყიერი აღმოჩნდა და მოსკოველების მოწონება დაიმსახურა.
საჭმელი ქვების საკუთარი რეცეპტი აქვს რესტორანი Christian-ის იტალიელ შეფ-პოვარს კრისტიან ლორენცის. ფქვილის, მოლუსკის, სკამორცას, მოცარელასა და სავოიის კომბოსტოს ნაზავისგან დამზადებული ქვების ნამდვილი ქვებისგან გარჩევა საკმაოდ ძნელია.
მოსკოვის იაპონურ ბარში ტკბილი ქვები ქოქოსის ბისკვიტისა და რძის, ლაიმისა და შოკოლადისგან მზადდება.
თევზის რესტორანში დესერტი ნაკლებად რეალისტური, მაგრამ გაცილებით მრავალფეროვანია. აქ ორი სახის ქვებს ამზადებენ: შავი და თეთრი შოკოლადის მუსი კენკრის სოუსით და შოკოლადის ნიჟარა ქვების არომატით.
Bjorn-ის შეფ-პოვარის წიწიბურას ქვები წიწიბურას სიროფისა და მსუბუქი ქაფის ბაზაზე მზადდება და თეთრი შოკოლადის მინანქარშია ამოვლებული. მოკლედ, მოსკოველებს საჭმელი ქვების ფართო ასორტიმენტი აქვთ.
გთხოვთ მოიწონეთ და გააზიარეთ სტატია, ასევე გაგვიზიარეთ თქვენი აზრი კომენტარებში..
