შემთხვევით გადააწყდით თქვენი მეგობრის ქმარს სხვა ქალთან ერთად. ეს თქვენთვის ნამდვილი შოკი იყო… როგორ უნდა მოიქცეთ?
ტვინს იჭყლეტთ, არ იცით, რა ქნათ. ერთი მხრივ, იცით, რომ თუ ამის შესახებ ეტყვით მეგობარს, აუტანელ ტკივილს მიაყენებთ. არადა, გაჩუმებაც არ ივარგებს, ეს თქვენი მხრიდან ღალატის ტოლფასი იქნება.
ალბათ, ძალიან გაგიჭირდებათ დუმილი… სამწუხაროდ, ფაქტია, რომ ქმრის ღალატის შესახებ ცოლები ყოველთვის ყველაზე ბოლოს იგებენ. ცხადია, არ გინდათ, რომ ეს ამბავი ყველამ იცოდეს, მოტყუებული ცოლის გარდა. იმასაც ფიქრობთ, რომ უმჯობესია, სიმართლე
ახლობელი ადამიანისგან შეიტყოს, რომელიც თანაუგრძნობს და ელვის სისწრაფით არ გაავრცელებს ათასგვარ ჭორს.
მეორე მხრივ, არ გინდათ, მეგობარს სწორედ თქვენ მიაყენოთ ტკივილი. მოკლედ, თქვენი მდგომარეობა ნამდვილად არ არის შესაშური!!!
თუ თქმას გადაწყვეტთ, იმისთვისაც მზად იყავით, რომ გულგატეხილი მეგობარი უარყოფით ემოციებს თქვენზე გადმოანთხევს და არ არის გამორიცხული, რომ ჭორიკნობაშიც დაგწამოთ ცილი.
უმჯობესია, არ ჩაერიოთ სხვა ადამიანების პირად ცხოვრებაში:
- თუ ეს ამბავი ნაცნობისგან შეიტყვეთ, კარგად დაფიქრდით, სანამ იმოქმედებთ. იქნებ ეს “წყარო” არ არის სანდო? შეიძლება თანამშრომელთან ერთად ნახეს და შემდეგ ბოროტი ხმები დაუყარეს.
- შესაძლოა, თქვენი მეგობრის ქმარს მართლაც ჰქონდა ხანმოკლე გატაცება ან შემთხვევით უღალატა ცოლს, მაგრამ ამას ძალიან განიცდის და თავს ვერ პატიობს. ამგვარი “წუთიერი” თავგადასავლები ოჯახს ზიანს ვერ მიაყენებს!!! წარმოიდგინეთ, რა მოხდება, თუ ამის შესახებ მოუყვებით. აფექტურ მდგომარეობაში შეიძლება მიატოვოს ქმარი და თქვენი ენის გამო ოჯახი დანგრევის საფრთხის წინაშე დადგეს.
- არის ისეთი შემთხვევებიც, როდესაც ქალს გარკვეული ეჭვები აქვს, მაგრამ მწარე სიმართლეს სიცრუეში ცხოვრება ურჩევნია… ანუ თვალს ხუჭავს, რადგან არ უნდა სტაბილურობის შეგრძნების დაკარგვა.
რაც უნდა კარგი განზრახვა გქონდეთ, არასოდეს ჩაერიოთ სხვის პირად ცხოვრებაში, თუნდაც ის სხვა თქვენი უახლოესი მეგობარი იყოს. თუ ქმარი ცოლს ღალატობს, ნიშნავს, რომ სიყვარული გაუნელდა ცოლის მიმართ ან მათ ურთიერთობაში ბზარი გაჩნდა… და ეს მხოლოდ ორი ადამიანის საქმეა.
ამიტომ დასკვნების გაკეთებაში ნუ აჩქარდებით; შეიძლება, თავად ქალმა უბიძგა ღალატისკენ…
თუ სინდისი გქენჯნით, იქნებ სჯობდეს, მოღალატე ქმარს დაელაპარაკოთ და პატარა შანტაჟიც მოუწყოთ: უთხარით, რომ თუ “გარე-გარე სიარულს” არ მოეშვება, ყველაფერს გაუმხელთ მეგობარს.
დარწმუნებული ბრძანდებოდეთ: თუ მისთვის ცოლი და ზოგადად ოჯახი ძვირფასია, თქვენი შანტაჟი “გაამართლებს”. ძალიან ბევრი მამაკაცისთვის სხვა ქალებთან ურთიერთობა გართობაა და სხვა არაფერი.
აქედან გამომდინარე, როგორც კი დაინახავს, რომ მისი ქორწინება საფრთხის წინაშე დგება, მაშინვე გაწყვეტს საყვარელთან ურთიერთობას.
ახლობელი ადამიანისთვის სიმართლის თქმა მხოლოდ იმ შემთხვევაშია გამართლებული, თუ გაყრა თავად სურს, მაგრამ მიზეზთა გამო ყოყმანობს.
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
