ლადო აფხაზავა მასწავლებლის ეროვნული ჯილდოს პირველი მფლობელი და 2019 წლის მასწავლებლის გლობალური ჯილდოს ფინალისტია.
რამდენიმე დღის წინ, სასამართლოს ის 5.000 ლარით დააჯარიმა ქუთაისში, სსხვა აქტივისტებთან ერთად მოსამართლის სახლთან შეკრებისა და პროტესტის შემდეგ.
სასამართლო პროცესზე სიტყვით გამოსვლისას, მან აღნიშნა, რომ მშობლები 17 წლის ასაკში დაკარგა.
ambebi.ge-სთან კი თავისი ცხორების უმძიმესი ეპიზოდი უფრო დეტალურად გაიხსენა:
„დედა ბაღში მრეცხავად მუშაობდა, მამა ხის ხელოსანი იყო. დედა 47 წლის ასაკში სიმსივნით გარდაიცვალა. 4 შვილი დაგვტოვა, ჩემი დები მაგ დროს უკვე გათხოვილები იყვნენ. დედას და მამას ერთმანეთის დიდი სიყვარული ჰქონდათ და როდესაც დედა წავიდა, მამამ მის გარეშე ყოფნას ვეღარ გაუძლო – თავი მოიკლა, (ჩამოიხრჩო). მამა, რომელიც ჩემს იმედად იყო, საკუთარი ხელით ჩამოვხსენი… მამაჩემი ასეთ მდგომარეობაში დილით, 11 საათზე ვნახე, ლოგინზე დავაწვინე და მერე შუადღის 3 საათზე როცა თვალი გავახილე, აზრზე მხოლოდ მაშინ მოვედი. თურმე წავქცეულვარ, გონები დამიკარგავს…“, – ამბობს ლადო აფხაზავა.
აღსანიშნავია, რომ პედაგოგს კოლეგებმა სოლიდარობა გამოუცხადეს და ჯარიმის თანხა სრულად შეუგროვეს.
წყარო: ambebi.ge
