სემუელ ალექსანდრე არმასს ექიმებმა ჯერ კიდევ მუცლად ყოფნის პერიოდში დაუდგინეს ხერხემლის იშვიათი დაავადება. ზოგადად მეცნიერულად დამტკიცებულია, რომ ასეთი დეფექტის მქონე ადამიანებს დამოუკიდებლად ფეხზე დგომა და გადაადგილება არ შეუძლიათ.
ექიმებმა ეს ყველაფერი ალექსანდერის მშობლებს აცნობეს და ძალიან რთული არჩევანის წინაშე დააყენეს..
თუმცა აქვე უნდა ითქვას, რომ საბედნიეროდ, თანამედროვე მედიცინას ასეთი მდგომარეობის გამოსწორება შეუძლია. ამჟამად შესაძლებელია ხერხემლის ჩამოყალიბების პროცესში, ნაყოფისთვის რთული ოპერაციის ჩატარება, თუმცა ეს პროცედურა როგორც დედისთვის, ასევე ჩვილისთვის, ძალიან სარისკოა.
როგორც უკვე ითქვა, ექიმებმა ალექსის მშობლები რთული არჩევანის წინაშე დააყენეს: მას ან აბორტი უნდა გაეკეთებინა ან უნდა ჩატარებულიყო ძალიან რთული და სიცოცხლისთვის საფრთხის შემცველი ოპერაცია.
ალექს და ჯულია არმასებს ამ არჩევანზე ბევრი არ უფიქრიათ და რთული ოპერაციის ჩატარებაზე დათანხმდენ.
ჯულიას ოპერაცია ფეხმძიმობის 21-ე კვირას ჩაუტარეს. შუა ოპერაციის დროს, როცა არავინ ელოდა, დედის საშვილოსნოდან პაწაწინა ხელი გამოჩნდა და ექიმ ჯოზეფ ბრიუნერის თითს ჩაებღაუჭა.
და სწორედ ეს მომენტი აღბეჭდა ფოტოგრაფმა, რომელიც ოპერაციას ესწრებოდა. ამ ფოტოს, „იმედის ხელი“ დაარქვეს. ფოტოს გავრცელებისთანავე ეს მოვლენა მომენტალურად სენსაციად იქცა და მსოფლიოს წამყვანი გამოცემები მოიარა. ფოტო მილიონობით ადამიანმა ნახა.
საბედნიეროდ ოპერაცია წარმატებით დასრულდა და მალევე პატარა სემუელი ქვეყნიერებას მოევლინა.
ამის შემდეგ 17 წელი გავიდა და მიუხედავად იმისა, რომ სემუელს ხერხემალთან დაკავშირებული მცირე პრობლემები დღემდე აქვს, ის კარგად განვითარებული და ბედნიერი ბიჭია. ბევრს ვარჯიშობს და ახლახან საკალათბურთო შეჯიბრში მთავარი პრიზის მფლობელიც გახდა.
სემუელმა ჯერ კიდევ დაბადებამდე დაამტკიცა, რომ ნამდვილი მებრძოლია, აქვს ძლიერი ნებისყოფა და ადვილად არ დანებდება.
გთხოვთ მოიწონეთ, გააზიარეთ და დააკომენტარეთ სტატია..
