პატარა ბავშვების მოვლით გადაღლილ ქალს საჭესთან ჩაეძინა და…
კანადური ქალაქ პრინს-ჯორჯის მცხოვრებლების ამბავმა მსოფლიო გააოცა. ანჯელა შიმანსკი მანქანით მიუყვებოდა გზას მთებში, თავის შვილებთან:
5 წლის ლესისა და 3 თვის პიტერთან ერთად. ბოლო პერიოდში დედა მეტისმეტად იღლებოდა, ახალშობილი ბიჭუნა ბევრ ძალას და ენერგიას ართმევდა.
საკმაოდ დაღლილი იჯდა საჭესთან და ძილი ეპარებოდა. წამიერად ჩათვლიმა და ეს მისთვის საბედისწერო აღმოჩნდა…
მანქანამ მართვა დაკარგა და გზიდან პირდაპირ უფსკრულისკენ გადავიდა. მანქანა ციცაბო კლდეზე გადაეშვა, 12 მეტრი ქვემოთ იფრინა, მერე კი ხეს შეეჯახა და უფსკრულის თავზე დაეკიდა…
ვარდნის დროს ლესიმ თვალები დახუჭა, ხოლო როცა გაახილა, დაინახა, რომ მანქანა უფსკრულის თავზე ეკიდა.
მის გვერდით საბავშვო სავარძელში პატარა პიტერი ტიროდა, დედა კი უგონოდ იყო. თავად ლესის რამდენიმე პატარა ჭრილობა და ნაკაწრები ჰქონდა.
გზატკეცილი სადღაც მაღლა დარჩა და იქიდან ვერავინ დაინახავდა დამტვრეულ მანქანას. გოგონამ გადაწყვიტა, ვინმესთვის ეხმო საშველად.
რაღაცნაირად გამოძვრა დაჩეჩქვილი მანქანიდან და ციცაბო კლდეზე ახოხდა. გზამდე ასულმა სასოწარკვეთილმა დაიწყო ხელების ქნევა, როგორც კი მისკენ მომავალი მანქანა დაინახა.
მძღოლი გაჩერდა, დაინახა დასისხლიანებული გოგონა და როცა სიტუაციაში გაერკვა, მაშველები გამოიძახა.
ადგილზე მოსულმა ექიმებმა პირველ რიგში გოგონას აღმოუჩინეს დახმარება, უფსკრულის კიდეზე დაკიდებულ დედა-შვილთან მიღწევა კი ძალიან გაუჭირდათ.
მაშველები თოკების დახმარებით ჩავიდნენ და ასევე თოკებით ამოიყვანეს ანჯელა და პიტერი.
ბავშვს თავის ტვინში სისხლჩაქცევა დაუდგინეს, დედას კი ხერხემალი ჰქონდა დაზიანებული – ორივე სასწრაფოდ ჰოსპიტალში გადაიყვანეს, ვერტმფრენით.
საბედნიეროდ, ანჯელას და პიტერს უშველეს და მათ სიცოცხლეს საფრთხე აღარ ემუქრება, მალე გამოჯანმრთელდებიან.
ექიმები ამბობენ, რომ დროულად მოასწრეს დახმარების აღმოჩენა. კიდევ ცოტა დრო რომ გასულიყო, დედა-შვილს ვეღარ უშველიდნენ.
“ეს ნამდვილი სასწაულია, ვერ ვიჯერებ, რომ ჩემმა პატარა ლესიმ გადაგვარჩინა. ვამაყობ ჩემი გოგონათი და ყოველთვის მეხსომება მისი გმირობა”, – ამბობს ანჯელა შიმანსკი.
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
ყურადღება: ფოტო პირობითია
