გამოცემამ დეილი მეილი ცოტა ხნის წინ ძალიან სამწუხარო ამბავი გამოაქვეყნა სერგეი პერებინის და მისი ოჯახის შესახებ, რომელიც რამდენიმე დღის წინ უკრაინაში რუსმა სამხედროებმა შეიწირეს. სერგეის ცოლი და 2 შვილი ქუჩაში რუსმა სამხედროებმა მოკლეს ქალაქ ირპენის დატოვებისას.
ტატიანა პერებეინოსი მოკლეს თავის 9 წლის ქალიშვილთნ ალიციასთან და 18 წლის ვაჟთან, ნიკიტასთან ერთად.
ისინი მოკლეს მაშინ, როდესაც ჩემოდნებით ხელში ირპენის დატოვებას ცდილობდნენ და ამ დროს რუსულმა არტილერიამ ქალაქზე შეტევა მიიტანა.
როგორც სერგეი დელი მეილისთან ყვება სულ ახლაგხანს დაბრუნდნენ უკრაინაში საქართველოდან, ისინი ზამთრის კურორტზე იმყოფებოდნენ საქართველოში.
გარდაცვლილი დედისა და მისი შვილების შემზარავმა ფოტოებმა მთელი მსოფლიო მოიარა და ამით ფარდა აეხადა იმ ფაქტს, რომ ვლადიმირ პუტინის „ჰუმანიტარული კორიდორი“ ბანალური მირაჟია.
ოჯახი რუსულ სისასტიკეს ოთხი წლის წინ დონეცკიდან გამოექცა და ისინი გეგმავდნენ ირპენში სამუდამოდ დასახლებას, რათა მათი შვილების მშვიდი ცხოვრება უზრუნველეყოთ.
აღსანიშნავია, რომ ტატიანა სრულფასოვანი ცხოვრებით ცხოვრობდა და ომის დაწყებამდე ჯერ კიდევ სამი დღით ადრე თავის კოლეგებთან ერთად საქართველოს მთებში ისვენებდა და როგორც კოლეგები იხსენებენ, თავის მომავალს გეგმავდა.
