ეს ამბავი ქუთაისში მოხდა. სტატიის წაკითხვის შემდეგ ბევრ ქუთაისელს მოაგონდება ის აურზაური, რაც ერთ-ერთ ჩაშლილ ქორწილს მოჰყვა. გაუბედურებული პატარძლის ამბავს მისი ერთ-ერთი სტუმარი გვიყვება. ანონიმურობისთვის გამოყენებული სახელები პირობითია:
ანა: „ნატალია შეძლებული ოჯახის ერთადერთი შვილი იყო, მშობლები თავს ევლებოდნენ, საუკეთესო ეცვა და ეხურა, პრესტიჟულ სკოლაში სწავლობდა, დაბადების დღეს ყოველთვის პომპეზურად უხდიდნენ, ზამთარ-ზაფხულ ხან უცხოეთში, ხანაც ქართულ კურორტებზე დაატარებდნენ.
ამის მუხედავად ნატაზე არ ითქმოდა, რა განებივრებული ბავშვიაო, ყოველთვის იცავდა ეტიკეტს, თავდაჭერილი იყო საზოგადოებაში, უფროსს ენას არასდროს შეუბრუნებდა, არ
აღიზიანებდა კრიტიკა, არ ეზარებოდა მეცადინეობა, დადიოდა ფორტეპიანოზე, სიმღერაზე და ცეკვაზე.
ეუფლებოდა ოთხ ენას: რუსულს, ინგლისურს, გერმანილსა და ფრანგულს. მოკლედ არა მხოლოდ ოჯახის, მთელი სანათესაოს სიამაყე იყო.
თავიდან მშობლებს მისი გარიგებით დაოჯახება სურდათ, მაგრამ ნატამ გამოაცხადა შეყვარებული მყავსო. დედ-მამას თავზარი დაეცა, თუმცა გადაწყვიტეს ბიჭი მაინც გაეცნოთ.
ლაშას განათლება საზღვარგარეთ ჰქონდა მიღებული და თანამდებობაზეც მუშაობდა. მართალია მდიდარი მშობლები არ ჰყავდა, მაგრამ ყველაფერს თავად მიაღწია.
ჯერ ნიშნობა დათქვეს, შემდეგ ქორწილი. ლაშას კუდივით ყველგან თან დასდევდა საუკეთესო მეგობარი – ბექა. ნატალი ხუმრობდა ალბათ ქორწილის შემდეგ ბექა ჩვენთან ერთად იცხოვრებსო.
ქორწილზე ნატალი ულამაზესი იყო. საოცარი კაბა ეცვა, ფიზიკური მონაცემებიც ხელს უწყობდა, სტუმრების უმეტესობა ამბობდა, პატარძალი ნეფეს სჯობსო.
სუფრაც მეფური გაშალეს. ლხინი გაიმართა. სიძე დათვრა, ცოტა შეუძლოდ გახდა და მეჯვარემ საპირფარეშოში გაიყვანა.
ბიჭებს ძალიან რომ შეაგვიანდათ, ნატალიას მამამ გააკითხა, შეეშინდა სასწრაფო ხომ არ სჭირდებაო. კაცების საპირფარეშოში რომ შევიდა, უცნაური ხმები შემოესმა.
გვერდითა „კაბინის” ტუალეტზე შედგა და გადაიხედა. ალბათ თქვენც ხვდებით რა დაინახა… ლაშასა და ბექას სექსი ჰქონდათ.
გადაირია კაცი! გინება და ყვირილი დაიწყო, ბიჭები საპირფარეშოდან გამოცვივდნენ, თან შარვლებს იკრავდნენ. სიმამრი სიძეს გაეკიდა, დაიჭირა და ისე სცემა, სახე სულ დაუნაყა, სტუმრებმა ძლივს გააშველეს. ყველა კითხულობდა, რა მოხდაო. ვერავინ წარმოიდგენდა, რომ ლაშა ამის მკადრებელი იყო.
ნატალია ცხარე ცრემლით ატირდა. არც მამა და არც ქმარი არ უხსნიდა, რაში იყო საქმე. ქორწილი ჩაიშალა. ნატალია ორსულად იყო და მშობლებმა აბორტი გააკეთებინეს.
შემდეგ კი საზღვარგარეთ წაიყვანეს. ქუთაისში დიდხანს განიხილებოდა ამ ოჯახის ტრაგედია. ლაშას პირადად ვიცნობდი, კარგი ადამიანის შთაბეჭდილებას ტოვებდა. მგონია, რომ სასმელის და ბექას ბრალი იყო ყველაფერი.
ტვინი აერია ბიჭს. განა ვამართლებ… უბრალოდ გული მწყდება, რომ ყველაფერი ასე დასრულდა. ლაშამ იცოდა, რომ ქუთაისში არ გაახარებდნენ, ამიტომ ყველაფერი მიატოვა და თბილისში გაიქცა“.
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
ყურადღება: ფოტო პირობითია
