“ყველა ნახვაზე ვეუბნები ჩემს დუნდულა ბიჭს, დედიკო, გმირი გახდი, ყველა შენს მაგარ ბიჭობაზე ლაპარაკობს და ყველა შენთვის ლოცულობს-თქო.
დარწმუნებული ვარ, ესმის და სიამოვნებს.
ხალხნო, ვერ აღგიწერთ, როგორ მაძლიერებს თქვენი ასეთი გვერდში დგომა და ამდენი ყურადღება. უღრმესი მადლობა ამდენი სითბოსთვის და კეთილი სიტყვებისთვის. მე მჯერა, რომ სასწაულები ხდება“ – წერს 8 წლის ბიჭის დედა სოციალურ ქსელში.
შარტავას ქუჩაზე ავარიისას დაშავებული ბავშვის ჯანმრთელობის მდგომარეობა დასტაბილურდა, შეიმჩნევა დადებითი დინამიკა. ამის შესახებ AMBEBI.GE -ს იაშვილის კლინიკაში განუცხადეს.
“უმძიმესი მგომარეობა იყო, დაზიანებული ჰქონდა გულმკერდის მიდამო, ჩატარდა ფეხის ამპუტაცია. არაერთი ქირურგი იყო ამაში ჩართული. ამპუტაციის შემდეგ მოხდა მენჯსახსრის ფიქსაცია. ახლა მდგომარეობა დასტაბილურებულია, შეიმჩნევა დადებითი დინამიკა” – გვითხრეს იაშვილის კლინიკაში.
ცნობისთვის, 8 წლის ბავშვის ავტომობილი 31 მარტს, დილით დაეჯხა. დაშავებულს რამდენიმე გადაუდებელი ოპერაცია ჩაუტარდა. მას მარჯვენა ფეხის ამპუტაცია დასჭირდა.
