თუ მიჩვეული ხართ გაღვიძებისთანავე ლოგინის ალაგებას, გირჩევთ, გადახედოთ სისუფთავისა და წესრიგის დაცვის მეთოდებს. ოთახის აკურატულობაზე ფიქრისას, მათი მთავარი ბინადრების შესახებ გვავიწყდება! მეცნიერებმა დაადგინეს, ჩვეულებრივ საწოლში, სადაც თეთრეულს კვირაში ერთხელ ცვლიან, 150 მილიონამდე ლოგინის ტკიპაა…
ლოგინისა თუ მტვრის ტკიპები ადამიანის მკვდარი უჯრედებით იკვებებიან. ოდნავ ნამიანი თეთრეული კი მათთვის სამოთხეა! ერთი მარტივი ხერხი დაგეხმარებათ ჯანმრთელობის უხილავი საშიშროების თავიდან აცილებაში!
როგორ მოვიშოროთ ლოგინის ტკიპები
ტკიპები თავისთავად საშიშროებას არ წარმოადგენენ, მათი სიცოცხლის ფუნქციების პროდუქტები კი.. ბაღლინჯოების გამონადენი სხვადასხვა ხასიათის ალერგიას იწვევს. კანის გამონაყარისა და ასთმური ხველის შეტევების პროვოცირებას სწორედ მტვრის ტკიპა ახდენს.
ტკიპას ზოგიერთ ნაირსახეობას შეუძლია ადამიანის კანში “დასახლდეს”, რაც დემოდეკოზს (რთულად სამკურნალო კანის დაავადება) იწვევს.
მტვრის ტკიპას გამონაყოფის შესუნთქვისას, ჯანმრთელობას სერიოზულ ზიანს ვაყენებთ. არსებობს ამ მავნეების საწინააღმდეგო უმარტივესი და შეიძლება ითქვას, სასაცილო მეთოდი: უბრალოდ, საჭიროა, გავანიავოთ საწოლი ძილის შემდეგ!
იდეაში, შესაძლებელია, ლოგინი აულაგებელი დავტოვოთ, რათა მზის სხივების ქვეშ ტკიპები დაიხოცონ, თეთრეული კი კარგად გამოშრეს. ძილის დროს ადამიანის ორგანიზმი ოფლს აქტიურად გამოჰყოფს, რომელიც შალითებზე რჩება – ნამდვილი სამოთხე ტკიპებისთვის.
ასე რომ, ნუ იჩქარებთ, აალაგოთ ლოგინი მალევე. თუ წეს-ჩვეულება არ გაძლევთ იმის საშუალებას, რომ საღამომდე ასე დატოვოთ ლოგინი, 1 საათის განმავლობაში მაინც გაანიავეთ საძინებელი, სანამ ისაუზმებთ და სახლიდან გასასვლელად მოემზადებით.
ტკიპების დახოცვის შემდეგ ოთახში ჰაერი მომენტალურად გასუფთავდება!
