აბუდაბიში „ქართული ოცნების“ დეპუტატებს, ირაკლი ზარქუასა და ვიქტორ სანიკიძეს მოქალაქესთან დაპირისპირება მოუვიდათ.
როგორც მოგვიანებით გაირკვა, საქართველოს ერთ-ერთმა მოქალაქემ სასტუმროს სასადილოში მომხდარი ფიზიკური შეხლა-შემოხლის დროს თეფში ისროლა, რომელიც ოფიციანტს მოხვდა. აღნიშნული პირი პოლიციამ დააკავა, ხოლო ირაკლი ზარქუა, არსებული ცნობით, დაკითხვაზე გადაიყვანეს.
„დაკავებულია გიორგი გოგოლაძე.
ესაა ის ნაძირალა, რომელმაც დუბაიში, სასტუმროში თეფში ისროლა. ზარქუა ამ წუთებშიც დაკითხვაზეა პოლოციაში“, – წერენ სოციალურ ქსელში.
მომხდარს ეხმაურება ლევან ნიკოლეიშილი. როგორც ის სოციალურ ქსელში წერს, გიორგი გოგოლაძე მომხდარს შემთხვევით შეესწრო.
„ნაძირალა ლაშა გაბიტაშვილის მორიგი პროვოკაციული საქციელი- საკუთარი დანაშაულის დაფარვის მიზნით, ამჯერად ჯოხი უბრალო მოქალაქე გიორგი გოგოლაძეზე გადატეხა. აბუ-დაბის პოლიციას დააჭერინა ადამიანი, რომელიც კონფლიქტს სასტუმროს რესტორანში სრულიად შემთხვევით შეესწრო და ქართველ დეპუტატებს ემოციურად მხარი დაუჭირა.
მას შემდეგ, რაც პროვოკატორი ლაშა გაბიტაშვილი მიხვდა, რომ პოლიციასთან სამართლებრივად ირაკლი ზარქუასა და ვიქტორ სანიკიძის წინააღდეგ ვერაფერს გახდებოდა, რადგან პროვოკაციული ქმედებები, მათ შორის დეპუტატების ლანძღვა-გინება სწორედ მისგან დაიწყო და ადგილობრივ სამართალდამცველებს ამის დამადასტურებელი მასალებიც ჰქონდათ, გადაწყვიტა ყველაფერი უბრალო მოქალაქე გიორგი გოგოლაძისთვის დაებრალებინა. გოგოლაძე გაბიტაშვილის მხრიდან პროვოკაციულ ქმედებებს რამდენიმე დღის განმავლობაში უყურებდა, დაპირისპირების დროს კი ემოციურად ვეღარ მოითმინა და გაბიტაშვილს თეფში ესროლა.
დიახ, აი ასეთია მორიგი „გულანთებული ახალგაზრდა“ ლაშა გაბიტაშვილის სახე. იქ სადაც მიხვდა, რომ სამართლებრივად ვერაფერს გახდებოდა და საბოლოოდ ისევ თავისი დანაშაული გამოიკვეთებოდა, პოლიციას უბრალო მოქალაქე დააჭერინა.
ამჟამად აბუ-დაბის პოლიციას სამწუხაროდ მხოლოდ გოგოლაძე ჰყავს დაკავებული, უბრალოდ მოქალაქე, რომლის ბედი სწორედ ახლა ირკვევა“.
