თელავში ავტოსაგზაო შემთხვევას 73 წლის პედაგოგი ემსხვერპლა. შემთხვევა ქალაქის ცენტრალურ ქუჩაზე მოხდა.
თვითმხილველების ინფორმაციით, მსუბუქი ავტომობილი ქალს რუსთაველის ქუჩის მიმდებარე ტერიტორიაზე, ფეხით გადაადგილების დროს დაეჯახა.
სიცოცხლესთან შეუთავსებელი დაზიანებების გამო, მედიკოსებმა მისი გადარჩენა ვერ შეძლეს.
დაღუპული თელავის №3 საჯარო სკოლის პედაგოგი იყო.
გამოძიება მომხდარ ფაქტზე სსკ 276- ე მუხლის მე-6-ე ნაწილით დაიწყო.
წყარო: პრაიმტაიმი
