მომღერალი გიორგი სუხიტაშვილი სოციალურ ქსელში ეხმაურება ბიზნესმენ ლაშა ბასლანძის გარდაცვალებას.
“ღირსება კიდევ იცით რა არის?! ადამიანს, რომელსაც რადიკალურად არ ეთანხმებით, რომელსაც შეიძლება ვერ იტანდე და რომელთანაც არ გსურდა ახლო ურთიერთობა, მაგრამ როდესაც მას ცუდი რამ შეემთხვევა, ან ჯანმრთელობაზე ან რაიმე უფრო უარესი ტრაგედია დაატყდება თავს, უნდა მიხვიდე, თანაუგრძნო, მხარში დაუდგე, ადამიანური ემპათია გამოიჩინო და მის გარემოცვას ნუგეში მიუტანო.
თუ ეს არ შეგიძლია არც კაცად ვარგიხარ და არც ქალად, ადამიანობაზე არ უნდა გქონდეს პრეტენზია.
ყველაზე მეტად იმაზე მწყდება გული როდესაც ამას ვხედავ, აი ეს მიქმნის უიმედობის განცდას, აქ ვერ ვხედავ მომავალს და ეს მიმაჩნია ყველაზე საშიშ მომავლად…” – წერს მომღერალი გიორგი სუხიტაშვილი.
ცნობისთვის,ბიზნესმენი და მუსიკალური პროდიუსერი ლაშა ბასლანძე გარდაიცვალა. ინფორმაცია სოციალურ ქსელში მისმა მეგობარმა ამიკო ჯანელიძემ გაავრცელა.
ამ დროისთვის უცნობია, რა გახდა ბიზნესმენის გარდაცვალების მიზეზი, თუმცა სახელდება გულის შეტევის ვერსია.
