ფეისბუკ მომხმარებელი, ჯგუფ “ფოთი და ფოთელები”-ში წერს, რომ საქმროს მხრიდან ძალადოების მსხვერპლი გახდა. ძალადობის პროცესში კი, მას სრულიად უცნობი მოზარდები დაეხმარნენ.
”დღეს მალთაყვის ზღვაზე ძალიან კარგმა ბიჭებმა მნახეს როგორ მეჩხუბებოდა ჩემი ფსიქოპატი საქმრო (უკვე ყოფილი) და როგორ ვტიროდი. რის შემდეგაც მოვიდნენ და გვერდიდან არ მომშორდნენ.
მიცავდნენ როგორც შეეძლოთ და მას დაუპირისპირდნენ. როცა ჩემმა ყოფილმა თავიდან მოიშორა ისინი მაინც ახლოს იდგნენ და მესმოდა როგორ საუბრობდნენ ჩემზე.წვიმაში მანამ იდგნენ და არ მტოვებდნენ მარტო სანამ მე თავად არ წამოვედი სახლში.
მანქანით წაყვანაც შემომთავაზეს შემდეგ ვიღაც მათზე უფროსიც მოიყვანეს და მთელი ძალებით ცდილობდნენ ჩემს დაცვას. ამ პოსტს იმიტომ ვწერ რომ იქნებ რომელიმე მათგანი იყოს ამ ჯგუფში და ნახოს. როგორც თქვეს ნაბადლები შტაბელები არიან.
მინდა ძალიან დიდი მადლობა გადაგიხადოთ კიდევ ერთხელ რომ პირველ რიგში ხართ ,,ადამიანები” რომ გმობთ ძალადობას და ასე გაწუხებთ სხვისი გასაჭირი.
თქვენმა მშობლებმა მინდა იამაყონ რადგან ნამდვილი ქართველი ვაჟკაცები ჰყავთ თქვენი სახით აღზრდილი.. დღეს კიდევ ერთხელ დავრწმუნდი რომ კეთილი ადამიამები ჯერ კიდევ არსებობენ და ასევე დავრწმუნდი იმაშიც რომ ძალადობა არავინ უნდა მოითმინოს.
ვერ აგიღწერთ რამხელა თანადგომა სითბო და სიყვარული ვიგრძენი მათი მხრიდან. ეს იყო ყველაზე დიდი მხარდაჭერა რაც კი ოდესმე მიგრძვნია ვინმესგან..
არადა ჯერ კიდევ ბავშვები იყვნენ დაახლოებით 15-17 წლამდე და როგორ გამეტებით მიცავდნენ ვერ წარმოიდგენთ.. თქვენ მე დღეს ძალა შემმატეთ მთელი ცხოვრება ვიქნები თქვენი მადლიერი.. ,-წერს, ფეისბუკ მომხმარებელი.
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
ყურადღება: ფოტო პირობითია
