ზოგიერთ სახელმწიფოს საკუთარი მოქალაქეების სახელების მიმართ გამოკვეთილი პოზიცია აქვს და ამას თავისი მიზეზები მოეძებნება, რომლებზეც ქვემოთ მოგახსენებთ.
- ქვეყნის კულტურული მემკვიდრეობის მხარდაჭერა
პორტუგალიის ხელისუფლებამ, სახელმწიფო ენის მხარდაჭერის მიზნით, ახალშობილებისთვის უცხოური სახელების დარქმევა აკრძალა. მაგალითად, ინგლისური სახელი „კეტრინ“ პორტუგალიურად უნდა ჟღერდეს, როგორც „კატერინა“.
პორტუგალიაში აკრძალულია ბავშვებისთვის სიონარას, რიანას, ჯიმის, ვიკინგის და ა.შ. დარქმევა.
საუდის არაბეთში არსებობს 50 სახელი, რომელთა ბავშვებისთვის დარქმევა მკაცრად იკრძალება. ჩამონათვალში ისეთ სახელებს შეხვდებით, როგორიცაა ალისა, მაია და აბდელ ნასერი. ეს უკანასკნელი აკრძალული სახელების სიაში ეგვიპტელი პოლიტიკური მოღვაწის გამალ აბდელ ნასერის მიმართ ნეგატიური დამოკიდებულების გამო მოხვდა.
- სახელების გენდერული ნეიტრალურობა
იმ ქვეყნების რიცხვში, სადაც გენდერულად ნეიტრალური სახელები იკრძალება, დანია და გერმანიაც შედიან. გერმანიაში რეკომენდაციაც კი არსებობს, რომელიც მშობლებს ურჩევს, რომ შვილისთვის სახელი 6000 სახელისგან შედგენილ ნუსხაში შეარჩიოს. გერმანიასა და დანიაში შეურაცხმყოფელად ითვლება ბავშვებისთვის მორგანის, ჯორდანის, ტელორის, ეშლისა და რამდენიმე სხვა სახელის დარქმევა.
არაორდინარული სახელების მიმართ მკაცრი დამოკიდებულებაა საფრანგეთშიც. სარეგისტრაციო ბიუროს თანამშრომლები ვალდებულნი არიან, შესაბამის ორგანოებს აცნობონ ბავშვებისთვის უჩვეულო და სასაცილო სახელების დარქმევის შესახებ. მაგალითად, მშობელს უფლება არ აქვს, შვილს სტრობერი დაარქვას, რაც ინგლისურად მარწყვს ნიშნავს.
გერმანიაში, შვედეთსა და დანიაში იკრძალება ბავშვისთვის ისეთი სახელის დარქმევა, რომელიც შეიძლება სკოლაში დაცინვის მიზეზი გახდეს. მაგალითად:
შვედეთში აკრძალულია ბავშვისთვის მეტალიკასა და ელვისის დარქმევა.
მექსიკაში – ბეტმენი, სკროუტმენი (ინგლ. მამაკაცის სათესლე ჯირკვალი), რემბო.
საფრანგეთი – პრინცი უილიამი.
გერმანია – ადოლფ ჰიტლერი.
დანია – ანუსი.
- რელიგიური თემატიკა
ზოგიერთი ქვეყნის ხელისუფლებაში დარწმუნებული არიან, რომ რელიგიური კონტექსტის მქონე სახელი შეიძლება რაღაც მომენტში ბავშვის მიმართ შეურაცხმყოფელი დამოკიდებულების მიზეზი გახდეს. ამის დასტურად, გერმანიის ერთ-ერთი ქალაქის სასამართლომ მშობლებს შვილისთვის ლუციფერის დარქმევა აუკრძალა.
ეს სახელი მიუღებელია, ასევე, ახალი ზელანდიის ხელისუფლებისთვის. შვეიცარიაში აკრძალულია ბავშვებისთვის ნეგატიური ბიბლიური პერსონაჟის სახელის, მაგალითად, იუდას დარქმევა.
