ბაჩო სასწრაფოს მანქანაში გონზე ყოფილა, მერე დაღუპულა” – რას ყვებიან აბაშაში?

24 ოქ­ტომ­ბერს სამ­ტრე­დია-აბა­შის გზა­ზე მომ­ხდარ უმ­ძი­მე­სი ავა­რი­ას, 19 წლის ბი­ჭის, ბაჩო ლა­სა­რე­იშ­ვი­ლის სი­ცო­ცხლე ემსხვერ­პლა. ახალ­გაზ­რდა მა­მა­კა­ცი კლი­ნი­კა­ში მიყ­ვა­ნამ­დე გარ­და­იც­ვა­ლა. მას სი­ცო­ცხლეს­თან შე­უ­თავ­სე­ბე­ლი ტრავ­მე­ბი ჰქონ­და. ამ დრომ­დე სიკ­ვდილს ებ­რძვის მისი მე­უღ­ლე, ლიკა კუ­ჭუ­ხი­ძე, რო­მე­ლიც მძი­მე მდგო­მა­რე­ო­ბა­ში იმ­ყო­ფე­ბა და ექი­მე­ბი მის გა­და­სარ­ჩე­ნად ყვე­ლა­ფერს აკე­თე­ბენ.

რო­გორც ცნო­ბი­ლია, წყვი­ლი ახალ­და­ქორ­წი­ნე­ბუ­ლე­ბი იყ­ვნენ. მათი ოჯა­ხი სიყ­ვა­რუ­ლით შე­იქ­მნა, ამ ზა­ფხულს ჰქონ­დათ ქორ­წი­ლი და ბედ­ნი­ე­რად უნდა ეცხოვ­რათ, მაგ­რამ იმ დღეს მომ­ხდარ­მა სა­ში­ნელ­მა ავა­რი­ამ ყვე­ლა­ფე­რი თავ­და­ყი­რა და­ა­ყე­ნა. გლო­ვობს მთე­ლი სა­ქარ­თვე­ლო. გლო­ვაა მათ მშობ­ლი­ურ კუ­თხე­ში აბა­შა­ში, სა­ი­და­ნაც იყ­ვნენ ახალ­გაზ­რდე­ბი.

• შა­ბათს მი­ა­ბა­რე­ბენ მი­წას ბაჩო ლა­სა­რე­იშ­ვილს. მისი ფეხ­მძი­მე მე­უღ­ლის გა­დარ­ჩე­ნის­თვის კი მთე­ლი სა­ქარ­თვე­ლო ლო­ცუ­ლობს. პა­რაკ­ლი­სე­ბი იმარ­თე­ბა ტა­ძარ­ში და უამ­რა­ვი ადა­მი­ა­ნი მუხ­ლმოდ­რე­კი­ლი სთხოვს უფალს მის გა­დარ­ჩე­ნას.

რო­გორც ირ­კვე­ვა, მე­ო­რე დღეს ბაჩო ლა­სა­რე­იშ­ვი­ლი მე­გობ­რის ქორ­წილ­ში მეჯ­ვა­რე უნდა ყო­ფი­ლი­ყო და ამი­ტომ მან­ქა­ნა მას უკვე სა­ქორ­წი­ნოდ მო­წყო­ბი­ლი ჰქონ­და, თუმ­ცა ეს სა­ში­ნე­ლი ტრა­გე­დია დატ­რი­ალ­და. მან­ქა­ნა­ში იმ­ყო­ფე­ბო­და ბაჩო ლა­სა­რე­იშ­ვი­ლის ბი­ძაც, რო­მე­ლიც ასე­ვე კლი­ნი­კა­შია მო­თავ­სე­ბუ­ლი სხვა­დას­ხვა სა­ხის და­ზი­ა­ნე­ბე­ბით.

“არ ვიცი რა უნდა ვთქვა ამ დიდ ტრა­გე­დი­ა­ზე. ყვე­ლა გლო­ვობს და სი­ტყვებს თავს ვერ ვუყ­რი. ისე­თი სა­ში­ნე­ლი ტრა­გე­დი­აა მომ­ხდა­რი. სამ­წუ­ხა­როდ ბაჩო გარ­და­იც­ვა­ლა. ტრა­გე­დი­ის მე­ო­რე დღეს ქორ­წილ­ში მი­დი­ოდ­ნენ, ამი­ტომ მან­ქა­ნა გა­წყო­ბი­ლი ჰქონ­და სა­ქორ­წი­ნოდ, როცა ავა­რი­ა­ში მოყ­ვნენ და ეს სა­ში­ნე­ლი ავა­რი­ის კად­რე­ბი მთელ­მა ქვე­ყა­ნამ ნახა. ამ­ბო­ბენ, თით­ქოს მე­ქორ­წი­ლე­ე­ბის მან­ქა­ნა მოყ­ვა ავა­რი­ა­შიო, მაგ­რამ ეს არ არის მარ­თა­ლი, მე­ო­რე დღეს მი­დი­ოდ­ნენ ქორ­წილ­ში ეს ლა­მა­ზი ცოლ-ქმა­რი, მეჯ­ვა­რე ბაჩო უნდა ყო­ფი­ლი­ყო. ერ­თმა­ნეთს რამ­დე­ნი­მე ავ­ტო­მო­ბი­ლი შე­ე­ჯა­ხა, გა­დაბ­რუნ­და ეს მან­ქა­ნა, ბაჩო, მისი მე­უღ­ლე ლიკა და ბა­ჩოს ბიძა იყ­ვნენ მან­ქა­ნა­ში. რო­გორც ვიცი, მან­ქა­ნას მარ­თავ­და ბა­ჩოს ბიძა, ას­ლა­ნი, ბაჩო კლი­ნი­კა­ში მიყ­ვა­ნამ­დე გარ­და­იც­ვა­ლა, ახლა სიკ­ვდილს ებ­რძვის მისი ფეხ­მძი­მე მე­უღ­ლე ლიკა. მისი მდგო­მა­რე­ო­ბა არის ძა­ლი­ან რთუ­ლი, გუ­შინ მი­თხრეს, რომ თით­ქოს რა­ღაც პრო­ცენ­ტით არის უკე­თე­სო­ბაო. თუმ­ცა ექი­მე­ბი ამ­ბო­ბენ, რომ ძა­ლი­ან მძი­მეა მისი მდგო­მა­რე­ო­ბა. იბ­რძვის სი­ცო­ცხლის­თვის.

სა­ბო­ლოო ჯამ­ში რო­გორ იქ­ნე­ბა, ჯერ არ ვი­ცით, აპა­რატ­ზეა შე­ერ­თე­ბუ­ლი. ქუ­თა­ის­ში წევს. თავ­ზე ჰქონ­და და­ზი­ა­ნე­ბე­ბი და ოპე­რა­ცია დას­ჭირ­და, ასე­ვე გულ­მკერ­დი აქვს ჩამ­ტვრე­უ­ლიო. მთე­ლი რა­ი­ო­ნი გლო­ვობს, 19 წლის იყო ბაჩო, სუ­რა­თებ­შიც ხე­დავთ რო­გო­რი ბიჭი იყო. დე­დი­სერ­თა, მშობ­ლე­ბი გა­შო­რე­ბუ­ლე­ბი არი­ან და ბი­ძის სახ­ლში იზ­რდე­ბო­და. არაჩ­ვე­უ­ლებ­რი­ვი ახალ­გაზ­რდა იყო და ძა­ლი­ან გაგ­ვა­ნად­გუ­რა ამ ამ­ბავ­მა. მის მე­უღ­ლეს ფილ­ტვე­ბი შე­შუ­პე­ბუ­ლი აქვს. ლიკა 18 წლის არის, ერთი წლით იყო უფ­რო­სი, 19 წლის იყო ბაჩო. მიც­ვა­ლე­ბულ­ზე ყო­ველ­თვის კარ­გს ამ­ბო­ბენ, მაგ­რამ ბაჩო მარ­თლა გა­მორ­ჩე­უ­ლი ახალ­გაზ­რდა იყო, სუ­რა­თებს რომ უყუ­რებთ, გული მო­გიკ­ვდე­ბა ადა­მი­ანს. სა­უ­კე­თე­სო ბიჭი და­ი­ღუ­პა. სა­ა­ვად­მყო­ფო­ში მიყ­ვა­ნამ­დე გარ­და­იც­ვა­ლა, სას­წრა­ფოს ექიმს ვე­ლა­პა­რა­კე პი­რა­დად, მი­თხრა, თა­ვი­დან გო­ნე­ბა­ზე იყო, ლა­პა­რა­კობ­დაო, მერე დამ­ძიმ­და.

სა­ო­ცა­რი ურ­თი­ერ­თო­ბა ჰქონ­და ბი­ძას და დის­შვილს. ძა­ლი­ან ახლო ურ­თი­ერ­თო­ბა გქონ­დათ. ბიძა გა­დარ­ჩა, მო­ტე­ხი­ლო­ბე­ბი აქვს, კლი­ნი­კა­შია, მაგ­რამ არ იცის რომ ბაჩო აღარ ჰყავს ცო­ცხა­ლი. სო­ცი­ა­ლურ ქსელ­ში გავ­რცელ­და და ალ­ბათ ნა­ხეთ მათი ქორ­წი­ლის ვი­დეო კად­რე­ბი, რო­გო­რი ბედ­ნი­ე­რე­ბი იყ­ვნენ, რო­გო­რი ბედ­ნი­ე­რი იყო მისი დედა ერ­თა­დერ­თი შვი­ლის და­ქორ­წი­ნე­ბით და რამ­დე­ნი­მე თვე­ში ამ­ხე­ლა ტრა­გე­დია დატ­რი­ალ­და. ბა­ჩოს დედა შვე­ი­ცა­რი­ა­ში იყო და ახლა ჩა­მო­ვი­და. ამ მწა­რე რე­ა­ლო­ბის წი­ნა­შეა დღეს. ლი­კას დე­დაც ემიგ­რა­ცი­ა­ში იყო და ისიც ჩა­მო­ვი­და. ღმერ­თმა გა­და­არ­ჩი­ნოს ეს ლა­მა­ზი გოგო. მო­დე­ლი­ვით გო­გოა. სამ­ძი­მარს ვუ­ცხა­დებ ყვე­ლას, ვი­საც სტკი­ვა ეს ტრა­გე­დია” – ამ­ბობს ჩვენ­თან სა­უ­ბარ­ში ად­გი­ლობ­რი­ვი.

“გო­გოს მა­მას ყო­ველ­დღე ვე­სა­უბ­რე­ბით, სტა­ბი­ლუ­რად მძი­მეა გო­გოს მდგო­მა­რე­ო­ბა, მაგ­რამ ყო­ველ­დღე უკე­თე­სო­ბაა. რაც მთა­ვა­რია, ბავ­შვი შე­უ­ნარ­ჩუნ­და, ბავ­შვი კარ­გა­დაა. სას­წა­უ­ლია ასე­თი მძი­მე ავა­რი­ის მერე ბავ­შვი, რომ გა­დარ­ჩა, ყვე­ლა ლი­კას­თვის ვლო­ცუ­ლობთ, ყო­ველ­დღე 6 სა­ათ­ზე აღავ­ლენს აბა­შის მა­ცხოვ­რის კა­რის მა­ცხოვ­რის შო­ბის ტაძ­რის წი­ნამ­ძღვა­რი მამა მი­ქა­ე­ლი ბა­ჩოს სა­ხელ­ზე სუ­ლის სა­ცხო­ნე­ბელ პა­ნაშ­ვიდს და ლი­კას სა­ხელ­ზე სა­ჯან­მრთე­ლო პა­რაკ­ლის ” – უყვება Ambebi.ge-ს კი­დევ ერთი ად­გი­ლობ­რი­ვი.

წყარო : Ambebi.ge