წინანდალში 50 წლამდე ბიძამ 25 წლამდე დისშვილი დაჭრა | ინფორმაციას ადგილობრივი გამოცემა, მთავარი ამბები კახეთიდან ავრცელებს და წერს, რომ შემთხვევა 2 იანვარს, გვიან ღამით მოხდა. როგორც მათ ადგილობრივები უყვებიან, სიტყვიერი დაპირისპირება ყოფით ნიადაგზე დაიწყო, რაც მოგვიანებით ფიზიკურ კონფლიქტში გადაიზარდა.
დაშავებული კლინიკაშია გადაყვანილი და, როგორც მედია წერს, მისი ჯანმრთელობის მდგომარეობა დამაკმაყოფილებელია.
მათივე ცნობით, 50 წლამდე კაცი შემთხვევის ადგილას დააკავეს. შსს-მ გამოძიება სისხლის სამართლის კოდექსის 11 პრიმა 120-ე მუხლით დაიწყო, რაც ოჯახის წევრის მიმართ ჯანმრთელობის განზრახ მსუბუქ დაზიანებას გულისხმობს.
