”ჯინსის გარეშე, დღეს ცოცხალი არ ვიქნებოდი – მათ ნამდვილად გადამარჩინეს”, – განუცხადა ჟურნალისტებს გერმანელმა ტურისტმა არნე მურკემ, რომელიც რამდენიმე საათი ზღვაში იყო დაკარგული.
30 წლის მურკე მაშველებმა იპოვნეს სამ საათში, მას შემდეგ რაც ჩაიძირა 12 მეტრიანი იახტა, რომელზეც იგი თავის ძმასთან ერთად იმყოფებოდა.
კატასტროფა მოხდა მაშინ, როდესაც იახტის საჭე დაზიანდა, რის შედეგადაც იგი შემობრუნდა და მცირე რიფს შეეჭახა. ის იხსენებდა, რომ მას შემდეგ რაც იახტამ შაძირვა დაიწყო, თავდაპირველად თოკში გაიხლართა, მაგრამ მან მოახერხა გათავისუფლება.
”წყალში ყველანაირი მაშველი რგოლის გარეშე დავრჩი“ – თქვა მან, მხოლოდ ჩემი მაისური და ჯინსი მეცვა, სულ ეს არის.
ჩემი ძმა ჩემს უკან ცურავდა, მაგრამ დაახლოებით სამ მეტრიანმა ტალღამ დაგვარტყა და მას შემდეგ დავკარგე. თუმცა ვიცოდი, რომ მან ჩაძირვამდე სამასშველო ჟილეტის ჩაცმა მოახერხა. მე კი ის ვერ შევძელი რადგან თოკიდან განთავისუფლებას ვცდილობდი.
ის ძალიან მძიმე სიტუაციაში იყო, მაგრამ შემდეგ გაახსენდა ხრიკი, რომელსაც აშშ-ს საზღვაო ძალების ერთ-ერთმა წარმომადგენელმა გამოიყენეა.
”მე ეს ხრიკი მრავალი წლის წინ ვნახე და ყოველთვის ვფიქრობდი, რომ წყალში მაშველი ჟილეტის გარეშე რომ ჩავვარდნილიყავი, შესაძლოა დამხმარებოდა” – თქვა მან.
ღრმად ჩავისუნთქე, ჯინსები გავიხადე, ბოლოებში გავნასკვე, წყლისგან გამოვცალე და ჰაერი შეუშვა, შემდეგ კი მკვეთრად ჩავუშვი წყლის ქვეშ – აღმოჩნდა, რომ ეს იმპროვიზირებული სამაშველო პიჯაკია.
მურკის თქმით, მისი 10 თვის ქალიშვილზე ფიქრმა, აიძულა, რომ ყველაფერი გაეკეთებინა, როგორმე თავი გადაერჩინა.
”მე წყალში ვიყავი სრულიად მარტო და უბრალოდ ვფიქრობდი, რა გააკეთე შენი ქალიშვილისთვის,” – ეს ის მომენტი იყო, როდესაც მართლა მეგონა, რომ შეიძლებოდა მოვმკვდარიყავი, თუ მთელ ჩემს ენერგიას არ გამოვიყენებდი ”.
სამ საათზე მეტი ხნის შემდეგ მურკემ შენიშნა სამაშველო ვერტმფრენი. ვერტმფრენი ახალ ზელანდიის სანაპირო დაცვის და საჰაერო ძალების სამძებრო სამუშაოებს აწარმოებდა. ბეტმფრენს მანამდე, დაახლოებით 1,5 საათის შემდეგ უპოვია მისი ძმა.
ვერტმფრენების გუნდმა ფეისბუქის საკუთარ გვერდზე გამოაქვეყნა სამაშველო ვიდეო, სადაც ეწერა: “მას ძალიან გაუმართლა, რომ ცოცხალია”
”მე ნამდვილად მინდა მადლობა გადავუხადო ყველას, ვინც მონაწილეობა მიიღო სამძებრო და სამაშველო ოპერაციაში, მათ დიდი სამუშაო გასწიეს. ასევე მე ვიცოდი რისკის შესახებ, მაგრამ მე ეს არ მაშინებდა, მომავალში უფრო ფრთხილად ვიქნები“ – განაცხადა მან ჟურნალისტებთან საუბრისას.
