,,გლოვობს ზუგდიდი” – ცნობილია ავარიის დროს დაღუპული ოთხივე ახალგაზრდის ვინაობა

უმძიმესი ტრაგედია დატრიალდა დღეს ქობულეთი-ბათუმის შემოვლით გზაზე.

საპირისპირო მიმართულებით მიმავალი ორი ავტომობილი ერთმანეთს შეეჯახა.

რის შედეგადაც, ორივე მანქანას ცეცხლი გაუჩნდა. მომხდარის შედეგად ერთ მანქანაში მყოფი 4 ადამიანი ადგილზე დაიღუპა, ხოლო მეორე ავტომობილში მყოფი სამი დაშავებული ქობულეთის კლინიკებში გადაიყვანეს.

დაღუპული ახალგაზრდები ზუგდიდელები არიან. ისინი ერთმანეთის მეგობრები და მეზობლები იყვნენ. დაღუპულები არიან ლაშა ქირია, ლიზი გერგედავა, თაკო შულაია და მარიამ დოხნაძე.