,,დღეს, მეტრო გაჩერდა გვირაბში, პატარა გოგო გახდა ცუდად… მე პანიკური შეტევა დამემართა… ნერვები აღარავის შეგვრჩა – მიწისქვეშ, უჰაერობაში არავის აინტერესებდა…“-რას წერს მოქალაქე სოცქსელში?

,,დღეს, მეტრო გაჩერდა გვირაბში, ალბათ რამოდენიმე წუთი, ასოთხმოცამდე დავითვალე, მერე პატარა გოგო გახდა ცუდად, ზოგმა წყალი, ზოგმა წამალი, ზოგმა წამოაწვინა, ზოგმა ხელები დაუზილა, ზოგი მემანქანეს დაუკავშირდა და სთხოვა ბაქანზე მზადყოფნაში ყოფილიყვნენ, ზოგმა რა ქნა და ზოგმა რა… ამ ბიჭის სიმარდემ მეც გადამარჩინა, რომ მეც იქვე არ გავშხლართულიყავი, თუმცა პანიკური შეტევა დამემართა, ვეღარ ვსუნთქავდი და ცრემლები თავისით მდიოდა, მაგრამ ეგ ზღვაში წვეთია… ნერვები აღარავის შეგვრჩა. მაგრამ იცით რა არი? აქ, მიწისქვეშ, სადაც არც მზე იყო, არც ჰაერი, არავის აინტერესებდა არც ქოცი და არც ნაცი, არც რელიგია და არც მრწამსი, აქ ყველას ადამიანი აინტერესებდა. დიდი მადლობა ამ ბიჭს, გასაოცარი გულისხმიერებისთვის და სწრაფი, გონიერი მოქმედებებისთვის. მადლობა ყველას, ვინც იმ პაწაწინა ვაგონში ცდილობდა ადამიანის გადარჩენას… მიყვარხართ ადამიანებო“, – წერს მოქალაქე ოლიკო ცისკარიშვილი სოციალურ ქსელში.