ერთი მეზობელი მყავს, ცოლი უნდა ძალიან, სულ მიკვირდა რატომ ვერ ქორწინდება მეთქი და ისეთი რამ მითხრა ეს იყო ამ კითხვის პასუხიც

ცოტა ხნის წინ სოციალური ქსელის ერთ-ერთმა მომხმარებელმა საკუთარ გვერდზე პოსტი გამოაქვეყნა, რომელსაც უცვლელად გთავაზობთ:

სიმპათიურია, კარგი სამსახურით, საკუთარი ბინით, რომელშიც მარტო ცხოვრობს. არ სვამს, არ ეწევა, ცოლი არასდროს ჰყოლია. მოკლედ, კაცი კი არა, ოცნებაა, სტაცე ხელი და გაიქეცი, მაგრამ..

უცნაურია, მაგრამ ფაქტია, რომ ამ დრომდე არ გამოჩენილა ისეთი გოგო, ვინც ამ კარგ კაცს ხელს სტაცებს და აღარ გაუშვებს. რამდენჯერაც მას შევხვდებოდი, იმდენჯერ გონებაში გამივლიდა ხოლმე – ნეტა, რატომ არის მარტო?

იმ დღეს მეორე მეზობელთან შევიკრიბეთ. შვილი შეეძინა და ექსპრომტად მსუბუქ სუფრასთან მიგვიპატიჟა.

ჰოდა, მე და ჩვენი “საოცნებო სასიძო” ლაპარაკს შევყევით.

მეც ძალიან მინდა შვილი, ოჯახი, – მითხრა გულწრფელად, მაგრამ ვერ ვიპოვე ისეთი გოგო, რომელიც კარიერაზე კი არ იქნება ჩაციკლული, სახლში იჯდება, მე და ბავშვს მოგვივლის, ოჯახის საქმეებს მოაგვარებს.

თანაც – თავისი ფული ექნება და ჩემი შესანახი არ გახდება. ჩვენთან ხომ კარგა ხანია, გენდერული თანასწორობაა.“

ოჰოო..

რა შუაშია აქ გენდერული თანასწორობა ან როგორ უნდა იშოვოს ფული ადამიანმა, რომელიც არ იმუშავებს?

გეფიცებით, ძალიან ვეცადე, გაოგნება არ დამტყობოდა და ხარხარი შემეკავებინა! მერე კიდევ ქალების ლოგიკაზე დაიწყებენ ანეკდოტების მოყოლას.

გთხოვთ მოიწონეთ და გააზიარეთ სტატია, ასევე გაგვიზიარეთ თქვენი აზრი კომენტარებში.

ყურადღება: ფოტო პირობითია