სამედიცინო მომსახურებით კმაყოფილები არასდროს ვართ. არადა, მსოფლიოში ბევრი ქვეყანაა, სადაც ექიმამდე მიღწევაც კი უჭირთ.
მაგალითად, ინდოეთში სასწრაფო დახმარება იმდენად დაბალ დონეზეა, რომ ნებისმიერ ექსტრემალურ ვითარებაში პაციენტმა თვითონ უნდა მოახერხოს ექიმამდე მისვლა.
ვიჯაიუ თხაკურუ მუმბაიში ჩვეულებრივი ტაქსისტია. ერთ დროს პრესტიჟული სამსახური მიატოვა და ტაქსიზე დაჯდა, რათა ადამიანებს კრიტიკულ ვითარებაში დახმარებოდა.
“რამდენიმე წლის წინ ჩემს ცოლს მუცელი მოეშალა და საშინელი სისხლდენით საავადმყოფოში უნდა წავსულიყავით.
ადგილობრივი ტაქსისტები ცრუმორწმუნენი არიან და ფიქრობენ, რომ ავადმყოფის მანქანაში ჩასმა ცუდის ნიშანია. გარდა ამისა, სალონის დასვრასაც მოერიდნენ”,
– იხსენებს ვიჯაიუ. ამ ფაქტმა მისი ცხოვრება შეცვალა. იმ დროს ერთ-ერთ კომპანიში ინჟინრად მუშაობდა.
ასეთ სამსახურზე ბევრი იოცნებებდა, თუმცა უარი თქვა და ტაქსისტობა დაიწყო.
“ახლა თვეში 150 დოლარამდე ვშოულობ, მაგრამ ჩემს საქმეში ფული მთავარი არ არის. მგზავრებს სავიზიტო ბარათს ვაძლევ, რომ ექსტრემალურ ვითარებაში დამირეკონ.
შუაღამეც რომ იყოს, მივდივარ და ამ დროს თანხას არ ვართმევ”, – ამბობს თხაკურუ.
სხვა ტაქსისტები დასცინიან ან ალმაცერად უყურებენ. თუმცა თხაკურუს მათი ქცევა ნაკლებად აინტერესებს.
“ერთხელ ორი მამაკაცი შევნიშნე, რომლებიც ტაქსებს უშედეგოდ უქნევდნენ ხელს. აღმოჩნდა, რომ იქვე ხანძარი იყო, რომელიც თავად ჩააქრეს, ერთი გოგონა კი მძიმედ დაშავდა და საავადმყოფოში გადაყვანა სჭირდებოდა.
გოგონას მიყვანაში გავეხმარე და სანახავადაც დავდიოდი. ბედნიერი ვიყავი, რომ ჩემი დახმარებით ადამიანი გადარჩა. 74 წლის ვარ და 11 ენაზე ვსაუბრობ.
ჩემი შვილები სხვადასხვა წამყვანი კომპანიის ინჟინრები არიან ან სახელმწიფო თანამდებობებზე მუშაობენ.
მაგრამ პირველ რიგში იმით ვამაყობ, რომ 500 ადამიანის დახმარება შევძელი…
ძველ სამსახურში 950 დოლარს მიხდიდნენ, მაგრამ ასე ბედნიერი არ ვყოფილვარ”, – აცხადებს კეთილი ტაქსისტი.
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
ყურადღება: ზოგიერთი ფოტო მითითებულია თემატურად..
წყარო: მშობლები.გე
