უკრაინის პირველი ლედი აცხადებს, რომ მეუღლე ომის დაწყების შემდეგ თითქმის არ უნახავს, – აღნიშნულის შესახებ ოლენა ზელენსკამ ვოლოდიმირ ზელენსკისთან ერთად მიცემულ ინტერვიუში ისაუბრა.
მისი თქმით, 24 თებერვალს ფანჯრის მიღმა უცნაურმა ხმებმა გააღვიძა. როდესაც თვალები გაახილა, ქმარი ოთახში არ იყო, გვერდით ოთახში გასულმა კი ვოლოდიმირისგან საშინელი სიტყვები მოისმინა: „დაიწყო“.
იმ მომენტიდან, ოლენა აღიარებს, რომ ოცნებობს ქმრისგან მოისმინოს მხოლოდ ორი სიტყვა „ყველაფერი დასრულდა”, რაც ასე მნიშვნელოვანია ყველა უკრაინელისთვის.
„მე ვცხოვრობ იმით, რომ ველოდები, როდის მეტყვის ამას. მე მესმის, რომ მე არ ვიქნები პირველი, ვისაც ის ამას ეტყვის, მაგრამ მინდა ამის მოსმენა ტელევიზიით მაინც”, – აცხადებს უკრაინის პირველი ლედი.
ცნობისთვის, რუსეთმა უკრაინაში ფართომასშტაბიანი ომი 24 თებერვალს დაიწყო და ოკუპანტის აგრესია ამ დრომდე გრძელდება.
გთხოვთ მოიწონეთ და გააზიარეთ სტატია, ასევე გაგვიზიარეთ თქვენი აზრი კომენტარებში…
