მასიმო მაურო იტალიელი ფეხბურთელია და „უდინეზეს“, „იუვენტუსისა“ და „ნაპოლის“ რიგებში უთამაშია. „პარტენოპეის“ მაისურით, მაურო სერია A-ს ჩემპიონი გახდა და ტიტულს 1989-90 წლების სეზონში, დიეგო მარადონასთან ერთად დაეუფლა.
მაურომ „ნაპოლის“ ოფიციალურ რადიოს, Kiss Kiss Napoli-ის ინტერვიუ მისცა და ხვიჩა კვარაცხელიას „პარი სენ-ჟერმენში“ ტრანსფერს გამოეხმაურა. მან ქართველი გარემარბი გააკრიტიკა და განაცხადა, რომ მისი აზრით, „კვარა“ შესანიშნავი ფეხბურთელი საერთოდ არაა.
„კვარაცხელია თავს ვარსკვლავივით გრძნობდა, მაგრამ ვარსკვლავი არ ყოფილა და ვერც მომავალში გახდება. მისნაირი ფეხბურთელი, რომელიც ფლანგზე თამაშობს, ყოველთვის მეორეხარისხოვანი როლის შემსრულებელი მსახიობი იქნება.
ლიდერი რომ გახდე, საჭიროა, ყველაფრის ცენტრში იყო. ვარსკვლავი ვერ გახდები თუ თანაგუნდელებზე ხარ დამოკიდებული, რომ პასი მოგცენ. ნახევარ ფეხბურთელები თავს გვაჩვენებენ, ნამდვილი ფეხბურთელები საქმეს აკეთებენ. ჩემი აზრით, კვარა შესანიშნავი მოთამაშე საერთოდ არაა“.
წყარო : Crystalsport.ge
