მსახიობი და ტელეწამყვანი, თაკო კორინთელი გადაცემაში „სიცრუის დეტექტორი“ საუბრობს, რომ მისი ჯანმრთელობის პრობლემები ჯადოს შედეგია.
„ადრე სულ მეცინებოდა ამ თემაზე, მაგრამ ეკლესიაც აღიარებს ამ ყველაფერს. გვინდა თუ არ გვინდა, არსებობს როგორც სიკეთე, ასევე ბოროტება. ადრე იყო საკითხები, რომლებიც სულ სხვანაირად უნდა წარმართულიყო. მერე რომ მივყევი ნაბიჯ-ნაბიჯ, თავიდან დავიწყე რაღაცების გაანალიზება და მივედი დასკვნამდე. ეჭვი რომ შემეპარა, დავიწყე გარკვევა. ამაში პროფესიულად დამეხმარა ჩემი საყვარელი ადამიანი და დამიდასტურა. ის ეჭვები რომ გამიმყარა, უფრო შემეშინდა. არ ვიცი, ამ ყველაფერს როგორ უნდა ვებრძოლო. ერთადერთი ჩემი ბრძოლა არის, რომ მართლმადიდებელი ვარ, ვეზიარები. ეს არის ჩემი დაცვა, – ყვება თაკო კორინთელი გადაცემაში „სიცრუის დეტექტორი“.
თაკო კორინთელს გარკვეული პერიოდი ჰორმონალური მედიკამენტების მიღება დასჭირდა, რამაც წონაში მატებაც გამოიწვია. ამავე გადაცემაში ამბობს, რომ ძველი თაკო ბრუნდება და ყველაფერი კარგადაა.
