თბილისის სიმფონიური ორკესტრის ყოფილი მუსიკოსი, ჩელისტი – ელენე (ლენა ) მორტენსენი გარდაიცვალა. ინფორმაციას ამის შესახებ ჯანსუღ კახიძის სახელობის თბილისის მუსიკალურ-კულტურული ავრცელებს.
„ჯანსუღ კახიძის სახელობის თბილისის მუსიკალურ-კულტურული ცენტრი ღრმა მწუხარებით იუწყება, რომ გარდაიცვალა თბილისის სიმფონიური ორკესტრის ყოფილი მუსიკოსი, ჩელისტი – ელენე (ლენა ) მორტენსენი.
ქალბატონი ლენა მორტენსენი, დიდი გამოცდილების მქონე მუსიკოსი, 1968 წლიდან მუშაობდა საქართველოს სახელმწიფო სიმფონიური ორკესტრში წამყვან ჩელისტად. 1993 წლიდან მან თბილისის სიმფონიური ორკესტრში განაგრძო მოღვაწეობა და ათწლეულების განმავლობაში იყო ჩელოების ჯგუფის კონცერტმაისტერი. მას მონაწილეობა ჰქონდა მიღებული ორკესტრის ყველა გამორჩეულ კონცერტში როგორც საქართველოში, ასევე საგასტროლო ტურნეებისას.
მისი მაღალი პროფესიონალიზმი და შემოქმედებითი მიღწევები მისაბაძი მაგალითი გახდა ორკესტრის ახალგაზრდა მუსიკოსებისთვის.
მუსიკალური ცენტრისა და თბილისის სიმფონიური ორკესტრის მთელი შემადგენლობა გულითადად ვუსამძიმრებთ ქალბატონი ლენას ოჯახს“, – ნათქვამია სამძიმრის წერილში.
