“მე ახალი ვარ და უკვე თქვენი დახმარება მჭირდება. რამდენიმე თვის წინ ჩემი საუკეთესო დაქალი ბიძაშვილს გავაცანი. ერთმანეთი პირველი ნახვისთანავე მოეწონათ.
სიმართლე გითხრათ, მათი ერთად ყოფნისთვის მეც ბევრი ვიაქტიურე და მიზანსაც მივაღწიე. მარი და თოკო თითქმის 3 თვის მანძილზე, ძალიან ბედნიერები იყვნენ, შემდეგ კი თოკო ძალიან შეიცვალა -მარის ყურადღებას აღარ აქცევდა, სულ ეჩხუბებოდა და ერთხელ, ხელითაც კი შეეხო.
ამის გამო ბიძაშვილს დიდხანს არ ველაპარაკებოდი. მას ჩემზე ადრე, მარი შეურიგდა -არ ვიცი, რა დაემართა, მაგრამ თოკოსთან მივიდა და სთხოვა, შევრიგდეთო.
ჰოდა, ისიც შეურიგდა და როდესაც მეგონა, რომ მათ შორის ყველაფერი მოგვარდა, შემთხვევით, თოკოსა და მისი მეგობრის ლაპარაკს მოვკარი ყური.
ჩემი ბიძაშვილი ამბობდა: მარისთან ერთი-ორჯერ დავწვები და მერე, თავიდან მოვიშორებო. ამაზე ძალიან გავბრაზდი და თოკოს სერიოზულად ვეჩხუბე.
ახლა არ ვიცი, რა ვქნა, როგორ მოვიქცე, რადგან რამდენიმე დღის წინ, როცა მარის თორნიკესთან დაშორებაზე ჩამოვუგდე სიტყვა, მეგობარმა მითხრა: თუ შენი ბიძაშვილი მიმატოვებს, თავს არ ვიცოცხლებო.
თოკოს ამ თემაზე ყოველდღე ველაპარაკები და ჩვენი ურთიერთობაც ყოველთვის ჩხუბით მთავრდება. ახლა თქვენი რჩევა ძალიან მჭირდება.
მითხარით, როგორ გავუმხილო მეგობარს, რომ თოკოს მასთან მხოლოდ გართობა სურს? მეშინია, თავს მართლა არ აუტეხოს რამე, არადა, ვერც იმას დავუშვებ, რომ თორნიკემ გამოიყენოს და მერე მიაგდოს.
ასე რომ მოხდეს, ამას საკუთარ თავს ვერასდროს ვაპატიებ და შეიძლება, მარიმ კი არა, ცხოვრება თვითმკვლელობით მე დავასრულო. გთხოვთ, ჩემთვის რჩევის მოცემა არ დაგეზაროთ. წინასწარ გიხდით მადლობას.”
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
ყურადღება: ფოტო პირობითია
