საქართველოს ეროვნული ნაკრების მთავარ მწვრთნელ ვილი სანიოლს პრესკონფერენციაზე ჰკითხეს, იქნება თუ არა ხვალ ხვიჩა კვარაცხელია ძირითად შემადგენლობაში.
„პარი სენ-ჟერმენთან“ პირადად მქონდა კომუნიკაცია. მას ბოლო ორ მატჩში არ უთამაშია და ეს გადაწყვეტილება სრულად გამართლებული იყო. საერთო ჯამში, მისი ფიზიკური მდგომარეობით კმაყოფილი ვარ. იქნება თუ არა ის ძირითად შემადგენლობაში? თანამედროვე ფეხბურთში ტრავმები ჩვეულებრივი მოვლენაა, ამიტომ საბოლოო გადაწყვეტილებას ექიმების დასტურის შემდეგ ვიღებთ.
როგორც ფეხბურთის გულშემატკივარს, მსურს, ლამინ იამალი მალე დაბრუნდეს მოედანზე. მირჩევნია, როცა ძლიერი მოთამაშეები თამაშობენ – ფეხბურთისთვის ეს უკეთესია.
ესპანეთის ნაკრებში ბევრი ტრავმირებული ფეხბურთელია, თუმცა როცა ასეთი მაღალი დონის გუნდს ეთამაშები, ამაზე ნაკლებად უნდა იფიქრო – მათ თითოეულ პოზიციაზე რამდენიმე უმაღლესი კლასის მოთამაშე ჰყავთ“, – განაცხადა ვილი სანიოლმა.
