“შეინარჩუნეთ მტკიცე ხმა, შეინარჩუნეთ მზერა, რომელიც ყოველთვის მაღლა იყურება, შეინარჩუნეთ გამბედაობა, რომელიც საკუთარი თავის ფასის შეცნობიდან მოდის. გჯეროდეთ, რომ არაფერია დაფარული, რაც არ გამოაშკარავდება”, – წერს ილია თოფურიას ყოფილი მეუღლე ჯორჯინა უზკატეგუი და ფოტოს აქვეყნებს.
რამდენიმე თვის წინ უცხოური მედია წერდა, რომ ილია თოფურია და ჯორჯინა უზკატეგუი ერთმანეთს დაშორდნენ, თუმცა ამის შესახებ წყვილს ოფიციალური განცხადება დღემდე არ გაუკეთებიათ. დასავლური სპორტული მედიის (Sportscasting) ინფორმაციით, ილია თოფურიას მეუღლემ, ჯორჯინა უსკატეგი ბადელმა, რომელიც წლების განმავლობაში სპორტსმენს გვერდით ედგა, ოქტომბრის დასაწყისში განქორწინებაზე ოფიციალური სარჩელი შეიტანა. თუმცა, როგორც Sportscasting წერს, განშორებას თან ახლავს სერიოზული ფინანსური გამოწვევა: ჯორჯინა ბადელი, სავარაუდოდ, თოფურიას აქტივების 50%-ს ითხოვს, მაშინ როდესაც ჩემპიონის ამჟამინდელი ქონება დასავლურ მედიაში რამდენიმე მილიონ დოლარზე მეტად არის შეფასებული, რაც იმას ნიშნავს, რომ ქონებრივი დავა სერიოზული მასშტაბისაა.
