ხვიჩა კვარაცხელიამ “პსჟ”-ს მაისურით მორიგი შეხვედრა ჩაატარა.
საფრანგეთის ჩემპიონატში ხვიჩას მოწინააღმდეგე გიორგი მიქაუტაძის ლიონი იყო.
ხვიჩამ მოედანზე 68 წუთი გაატარა და ორივე გუნდის რიგებში საუკეთესო იყო.
საბოლოოდ, ის მატჩის MVP-იდაც დაასახელეს!
ქართველმა ვარსკვლავმა პარიზული გრანდის რიგებში ყველაზე კარგი მატჩი სწორედ ლიონის წინააღმდეგ ჩაატარა და სტატისტიკური გვერდისგან Sofascore-სგან ძალიან მაღალი, 8.6 ქულა დაიმსახურა.
კვარას თამაშმა ბევრს ხვიჩას ნეაპოლში გატარებული საწყისი პერიოდი გაახსენა, რადგან ქართველის მაგიურმა მოქმედებებმა მართლაც რომ დიდი მოწონება დაიმსახურა.
საბოლოოდ კვარამ მოედანი საგოლე გადაცემით დატოვა და ამჯერადაც უსმან დემბელეს გაუკეთა გადაცემა.
სასიხარულოა ის ფაქტიც რომ აღნიშნულ მატჩში ლიონის რიგებში გიორგი მიქაუტაძემაც გააკეთა საგოლე გადაცემა.
ეს დაძაბული მატჩი კი საბოლოოდ პსჟ-ს გამარჯვებით დასრულდა (3:2).
