„რუსთავი 2-ის“ რეალითი შოუს „ჰაუსის“ გამარჯვებული გამოვლინდა. მაყურებლის გადაწყვეტილებით, პროექტი ჯავახამ მოიგო.
გამარჯვებისთვის, ფინალში 3 მონაწილე, ჯავახა, ორი მუზა და ლელუ იბრძოდნენ.
გთავაზობთ ჯავახას პირველ კომენტარს:
„დაუჯერებელია, არ მჯერა! 21 წლის ბიჭმა იმდენი შევძელი სამი თვის განმავლობაში. ეს ყველა თქვენგანის დამსახურებაა. ძალიან დიდი მადლობა ყველა ჩემ გულშემატკივარს, ვინც ერთი ზარიც კი გამოუშვა“, – განაცხადა ჯავახამ.
„ჰაუსის“ გამარჯვებული „რუსთავი 2-სგან“ 40 ათას ლარს მიიღებს.
სოციალურ ქსელში ლაივის დაწყებამდე მიმართვა გაავრცელა ჯავახას რჩეულმა, მარიამმაც :
“ეს პროექტი იყო ადგილი, სადაც ვისწავლე ბევრი რამ და საკუთარი თავი უკეთ გავიცანი.
თქვენი თითოეული ხმა, კომენტარი და მხარდაჭერა ჩემთვის დიდი ძალა იყო.
გულით მადლობა ყველას, ვინც ჩემს გვერდით იდექით ამ გზაზე. პროექტი დასრულდა, მაგრამ თქვენი სიყვარული და მხარდაჭერა ჩემთან რჩება🩷” – წერს მარიამი.
