კოალიცია ცვლილებებისთვის ლიდერი ნიკა გვარამია ჟურნალისტ მზია ამაღლობელთან დაკავშირებით ტვ პირველის ეთერში ამბობს, რომ მზია საკანში მოინახულა და მაშინ გაიცნო.
„მე-12 დღე იყო შიმშილობის, მე მზია იქ გავიცანი, თუმცა, ზუსტად ვიცი მზია ამაღლობელი ვინ არის, იმის მიხედვით, თუ რა აქვს მას გაკეთებული. ეს არის ნეტგაზეთი და ბათუმელები, რომელსაც ყოველ დღე ვკითხულობ. ეს არის ერთი ყველაზე უფრო სანდო წყარო ინფორმაციის. მზია არის უნიჭიერესი ქალი, მზია არის კარგი ჟურნალისტი, უნიჭიერესი მედიამენეჯერი და საოცარი პატრიოტი. ჩემზე მომნუსხველი შთაბეჭდილება მოახდინა.
ჩვენ ძალიან სწრაფად გადავედით შენობით საუბარზე. ბევრი ინფორმაცია გავცვალეთ, მზია არის ჩამოყალიბებული თავის გადაწყვეტილებაში და პირველი, რაც მთხოვა – რომ გახვალ, ძალიან გთხოვ, საჯაროდ თქვი, რომ ნუ მომიწოდებენ შიმშილობის შეწყვეტისკენო“, – ამბობს ნიკა გვარამია.
