ლუკა ნაჭყებია მეუღლეს, ანუკა ჯორბენაძეს დაშორდა. შეფმზარეულმა აღნიშნულის შესახებ ნანკა გვარის პოდკასტში „მარტოობის 15 წუთი“ განაცხადა.
წამყვანის კითხვაზე, რატომ არ გამოსდის პირადი ცხოვრების აწყობა, ლუკა ნაჭყებიამ განმარტა, რომ ამ საკითხზე ფსიქოლოგთან უსაუბრია, თუმცა პასუხი არ აქვს.
„ამ საკითხზე მე და ჩემმა ფსიქოლოგმა ძალიან ბევრი ვიმუშავეთ, მაგრამ ვერსად ვერ მივედით. ამაზე პასუხი ძალიან ბანალურია. ბალანსის და დროის მენეჯმენტის ამბავია, რომელიც საერთოდ არ მქონია. ცოლი აღარ მყავს, შვილი მყავს. საკუთარი თავის სიამოვნებისთვის რაღაცების კეთება არ შემიძლია, მაგალითად, თუ მეტყვიან, მოდი, სადმე კუნძულზე წავიდეთ, იქ დასასვენებლად ვერ წავალ, რამე სხვა მიზეზი უნდა მქონდეს – ფუნქციური უნდა იყოს ჩემი იქ წასვლა.
მირჩევნია ვიყო კარიერისტი, არცერთი კარიერისტი არ არის, კარგი მეოჯახე. კარიერაში საქმე ისე კარგად გამოსდის, რომ ამით ინუგეშებს მერე თავს. მივხვდი, რომ შეცვლით, მაინცდამაინც, დიდად ვეღარ შევიცვლები, იმიტომ, რომ 30-ს გადაცილებული ხალხი აღარ იცვლება“, – ამბობს ლუკა ნაჭყებია.
აღსანიშნავია, რომ ლუკას და ანუკა ჯორბენაძეს ერთი საერთო შვილი, ანიტა ჰყავთ.
