თიკა ჯამბურია მისი კარიერისა თუ პირადი ცხოვრების გამო ყოველთვის იყო მედიისა და საზოგადოების ყურადღების ცენტრში. შეიძლება ითქვას, საზოგადოება მის ყველა ნაბიჯს აკვირდებოდა. თიკას ხშირად იწვევდნენ პოპულარულ შოუებში როგორც მუსიკალური სიახლეების გასაზიარებლად, ისე ოჯახურ ცხოვრებაზე სასაუბროდაც.
თიკა ჯამბურიამ არაერთხელ ისაუბრა გულწრფელად ბიზნესმენ ბექა ხოფერიასთან მტკივნეულ განქორწინებაზე, თუმცა ყოველთვის აღნიშნავს, რომ მასთან მეგობრულ ურთიერთობას ინარჩუნებს და მეგობრობს ყოფილ დედამთილთან, ხათუნა ხოფერიასთანაც.
ვინ თიკა ჯამბურიას თვალს ადევნებს, მარტივად შეამჩნევდა, რომ ბოლო წლების მანძილზე ის განსაკუთრებით შეიცვალა – როგორც ფიზიკურად, ისე პიროვნულად – უფრო მეტად გაძლიერდა, გახდა თავდაჯერებული და ცხოვრებაში არაერთი მნიშვნელოვანი ნაბიჯიც გადადგა. სიახლეებია მის კარიერაში – კულინარიულ შოუში მონაწილეობის შემდეგ მან საკუთარი კაფე გახსნა. სიახლეა მის პირად ცხოვრებაშიც – ის უკვე რამდენიმე წელია, შეყვარებულია. ამის შესახებ მან ექსკლუზიურად „პრაიმ ტაიმთან“ ისაუბრა:
,,ძალიან ღრმა ბავშვობის მეგობრები ვართ. იმდენად მეგობრები ვიყავით, ვერასდროს ვიფიქრებდით, თუ სიმპათიები გაგვიჩნდებოდა. ოთხი წლის წინ, სულ სხვანაირი თვალით შევხედეთ ერთმანეთს და ძალიან კარგიც მოხდა. მისი დამსახურებაა, რომ მეორედ დავიბადე და თავიდან შევდექი ადამიანად. ქალს გვერდზე როგორი მამაკაცი ჰყავს, ამას ძალიან დიდი მნიშვნელობა აქვს.
ჩემმა შეყვარებულმა მომცა შანსი გამეკეთებინა ეს კაფე და დამეწყო საკუთარი ბიზნესი. ოთხი წელია, შეყვარებულები ვართ, მაგრამ არ უყვარს, როცა მასზე ვსაუბრობ და არასდროს მილაპარაკია ამაზე”, – აღნიშნა თიკა ჯამბურიამ
