განათლების მინისტრმა სკოლებში არაერთი ცვლილება დააანონსა – მათ შორის, მობილურების აკრძალვა:
🔻💬 “მნიშვნელოვნად მიგვაჩნია, რომ სასწავლო გარემოზე ორიენტირებისთვის და სრული ჩართულობისთვის მნიშვნელოვანი არის, რომ სასკოლო პროცესში ავკრძალოთ მობილური ტელეფონების გამოყენება. შემუშავდება შესაბამისი წესი, რომელიც შესაბამისი სტანდარტით დაიგეგმება და მაქსიმალურად დაცული იქნება ბალანსი იმისთვის, რომ არც სასწავლო პროცესი დაზიანდეს და არც ბავშვს მშობელთან ან მისთვის საინტერესო ადამიანთან კომუნიკაციის შესაძლებლობა არ დაერღვეს”, – თქვა გივი მიქანაძემ.
ამასთან, საჯარო სკოლებში ფორმების ტარება სავალდებულო იქნება:
,,ჩვენ შევისწავლეთ სკოლებში არსებული პრაქტიკა და მივიღეთ გადაწყვეტილება ტესტურ რეჟიმში, რომ შემდეგი სასწავლო წლიდან, ყველა საჯარო სკოლაში, პირველიდან მეექვსე კლასის ჩათვლით, სავალდებულოდ ბრუნდება სასკოლო ფორმები”, – ამბობს გივი მიქანაძე.
მისივე თქმით, სკოლაში შესვლის შესაძლებლობა შეეძლება მხოლოდ იმ ბავშვებს, რომლებსაც ყოველი წლის 15 სექტემბრის ჩათვლით შეუსრულდება 6 წელი.
,,გამოვლინდა, რომ 6 წლამდე ასაკის ბავშვებს, რომლებიც სკოლაში შედიან, უჭირთ სოციალურ-ემოციური ფონიდან და მზაობიდან გამომდინარე სასწავლო პროცესში სრული ინტეგრირება.
ამიტომ ჩვენი მიზნებიდან და იქიდან გამომდინარე, რომ 11-წლიან სასწავლო პროცესზე გადავდივართ, მივიღეთ გადაწყვეტილება, რომ შემდეგი წლიდან, ყოველ მომდევნო წელს, სკოლაში შესვლის შესაძლებლობა შეეძლება მხოლოდ იმ ბავშვებს, რომლებსაც ყოველი წლის 15 სექტემბრის ჩათვლით შეუსრულდება 6 წელი…
ვაპირებთ, შემოვიღოთ სარეგისტრაციო ეტაპი, რომელიც უკავშირდება, რომელიც არის დაკავშირებული მის საცხოვრებელ-ტერიტორიულ პრინციპთან. პირველ ეტაპზე ეს განხორციელდება დიდ ქალაქებში და შემდეგ საჭიროებიდან გამომდინარე ქვეყნის მასშტაბებით გავრცელდება”, – თქვა გივი მიქანაძემ ზოგადი განათლების რეფორმის კონცეფციის წარდგენისას.
