პოლონეთში ქმრის მიერ მოკლული ქალის ამბავს კიდევ ერთი უფლებადამცველი, თამარ კახაბერიძე ეხმაურება სოციალურ ქსელში და ამბობს რომ ეს ქალი მათ ეკონტაქტებოდა საფარში და მათ ვერ შეძლეს მისი დაცვა.
ამბობს რომ ეს გოგო უკვე გეგმებს აწყობდა თუ როგორ დაბრუნდებოდა შვილებთან ერთად საქართველოში, მაგრამ აღარ დასცალდა.
“პოლონეთიდან გვწერდა ქართველი გოგო საფარი/Sapariში და დახმარებას გვთხოვდა – საკუთარი ქმრისგან დამიხსენითო. ყველა შესაბამისი უწყება ჩავრიეთ, ვინ არ შევაწუხეთ და აქედან იქ სამჯერ გამოვუძახეთ პოლიცია.
ბოლოს, ლამის ძალადობის ფაქტზე რომ წაასწრეს, ძლივს დააკავეს კაცი. ეს გოგო უკვე გეგმებს აწყობდა, შვილებთან ერთად როგორ დაბრუნდებოდა საქართველოში. ეგონა, რომ ბოლოს და ბოლოს გადარჩა.
კაცი მალევე გამოუშვეს. გუშინ მოუკლავს ჩვენი გოგო.
პ.ს. ბოდიში, თუ ქვეყნის დამოუკიდებლობის და თავისუფლების შეგრძნების დიადი განწყობა წაგიხდინეთ. უბრალოდ, უცებ გავიაზრე, რომ ამ ამბის გაგების შემდეგ, უკვე 30 წუთზე მეტია, გაუნძრევლად ვზივარ და სიცარიელეში ვიყურები უაზროდ.
ჰოდა, ზოგჯერ მგონია, რომ 30 წელზე მეტია მთელი ქვეყანა ასე ვართ.”
გთხოვთ გაგვიზიარეთ თქვენი აზრი კომენტარებში…
