თუ იტალიის ჩემპიონი წელს ნაპოლი გახდება, დიდია ალბათობა, ხვიჩა კვარაცხელიას კუთვნილი ოქროს მედალი დე ლაურენტისმა არ გადასცეს.
იტალიური წყაროების ინფორმაციით, ლაურენტისი გაბრაზდა, რადგან გუნდის ლიდერი სეზონის შუა ნაწილში კლუბიდან წავიდა.
სერია A-ს რეგულაციის თანახმად, დაჯილდოვდებიან ის ფეხბურთელები, რომლებიც გუნდში არიან დარეგისტრირებული, თუმცა კლუბს აქვს უფლება, შუა სეზონში სხვა გუნდში გადასულ მოთამაშესაც გადასცეს ოქროს მედალი.
ამ საკითხთან დაკავშირებით Televomero-ს ეთერში გადაცემა Terzo Time Calcio-ში კომენტარი ნეაპოლური კლუბის პრეზიდენტთან, აურელიო დე ლაურენტისთან დაახლოებულმა ჟურნალისტმა, კარლო ალვინომ გააკეთა, რომელიც ხშირად მის პოზიციას ახმოვანებს:
„ეს საკითხი „ნაპოლის“ გადასაწყვეტია, მაგრამ არ მგონია, რომ „კვარას“ ასეთ სიამოვნებას მიანიჭებენ და მედალს გადასცემენ. მან რამდენიმე მატჩის მოგებაში მნიშვნელოვანი როლი ითამაშა, კერძოდ, ვფიქრობ „მილანთან“, მაგრამ ბევრი კითხვის ნიშანი არსებობს“.
