აბაშაში მომხდარი ავტოავარიის დროს დაშავებული 18 წლის ლიკა კუჭუხიძე, რომელიც ქმართან ერთად, უმძიმეს ავარიაში მოჰყვა, კლინიკიდან ორი კვირის წინ სახლში გაწერეს, დღეს კი ხერხემალზე ქირურგიული ოპერაცია ჩაუტარდა.
ლიკა კუჭუხიძის ამჟამინდელ მდგომარეობაზე მისი ახლობელი საუბრობს:
“ნახევარი საათია, რაც ლიკას ოპერაცია დასრულდა. ხერხემალზე ჩაუტარდა ოპერაცია, კარგად ჩაიარა. იმედია წამოდგება ფეხზე, უფლის იმედით. ლიკა ორი კვირის წინ გამოწერეს სახლში, მას შემდეგ სულ იწვა, მისთვის გატოკებაც კი არ შეიძლებოდა, არც – სტრესი. ხერხემლის ორ მალაზე ჰქონდა დაზიანებები და ამიტომ გაუკეთდა ოპერაცია.
ბაჩოს დედაც ყოველდღე ლიკასთან იყო, ახლაც იქაა. ძალიან უყვართ ერთმანეთი. უმაგრესი ქალბატონია ბაჩოს დედა” – ამბობენ გოგონას ახლობლები Ambebi.ge-სთან საუბრისას.
