საქართველოს მესამე პრეზიდენტის შვილი, ნიკოლოზ სააკაშვილი 19 დეკემბერს იუბილარია.
მიხეილ სააკაშვილი შვილს დაბადების დღეს სოციალურ ქსელში ულოცავს და მის მიღწევებზე წერს. მისივე თქმით, ნიკუშამ სწავლის პარალელურად, ვოლტის კურიერადაც იმუშავა.
მილოცვასთან ერთად მიხეილ სააკაშვილი შვილის ნათლობის ფოტოს აზიარებს.
„უკრაინის პრეზიდენტი ვიქტორ იუშენკო, პოლონეთის პრეზიდენტი ლეხ კაჩინსკი, რომელსაც ნათლობაზე წარმოადგენდა ქვეყნის მეორე პირი, პოლონეთის სეიმის თავმჯდომარე და ნინო ანანიაშვილი პატრიარქთან ერთად ნათლავენ ნიკუშას.
დღეს ნიკუშა 20 წლის ხდება. ის ინდოეთში მუშაობს მოხალისედ სოფელში და ამავე დროს სწავლობს ჰინდის.
მანდამდე იაპონიაში სწავლობდა თითქმის მთელი წელი იაპონურს, პარალელურად თბილისში მოასწრო ვოლტის კურიერად მუშაობა. ძალიან ინტერესდება წმინდანების ცხოვრებით.
მომავალ წელს კი ემზადება ამერიკულ უნივერსიტეტში ჩასაბარგებლად (ინგლისურად, ქართულად და ჰოლანდიურად, როგორც მშობლიურზე ისე საუბრობს) ბევრ რაღაცაში მასში ვხედავ ჩემთან მსგავსებას და ბევრი რამით აშკარად მჯობს. მტკიცე ხასიათი აქვს, რამაც გააძლებინა თინეიჯერობის დროს. 15 წლის იყო, როცა ტყვეობაში აღმოვჩნდი და რაღაცნაირად გადაიტანა ეს უძლიერესი სტრესი. იმის გათვალისწინებით, რომ მე მასთან ყოველთის განსაკუთრებული ურთიერთობა მქონდა.
გილოცავ დაბ. დღეს ჩემო საყვარელო ნიკუშიკო“, – წერს მიხეილ სააკაშვილი სოციალურ ქსელში.
