ფიტნესინსტრუქტორი, ინფლუენსერი თიკო ყაველაშვილი დაქორწინდა. მისი რჩეული ინდოელი ომარ ამანია.
წყვილმა ქორწილი ჯერ ინდოეთში გადაიხადა, მერე კი საქართველოში მოირგო თიკომ ტრადიციული საპატარძლო კაბა.
აღსანიშნავია, რომ თიკო ყაველაშვილი თბილისში ერთ-ერთი ცნობილი ფიტნესინსტრუქტორია. ის უკვე რამდენიმე წელია, სწორი კვებისა და ვარჯიშის მეშვეობით, ადამიანებს სხეულის სასურველი ფორმების მიღებაში ეხმარება. პარალელურად, სოციალურ ქსელებშიც აქტიურია და უამრავი გამომწერი ჰყავს.
თიკოს ფოტოებს სოციალურ ქსელებში დიდი გამოხმაურება მოჰყვა და მის ბედნიერებას უამრავი გულშემატკივარი თბილი კომენტარით გამოეხმაურა.
