თმის შესაკრავი რეზინი – ამაზე უწყინარი ნივთი ქალის ჩანთაში რა უნდა იყოს. ალბათ არავის ახსოვს მისგან მიყენებული ზიანი, თუმცა საქმე არც ასე მარტივადაა. ამ უვნებელმა აქსესუარმა ერთი ქალბატონი კინაღამ იმსხვერპლა.
ამერიკელმა ოდრი კოპმა ამ აქსესუარის ფარული სიავე საკუთარ თავზე, უფრო სწორად, საკუთარ კანზე გამოსცადა. ახლა ის ამ მწარე გამოცდილებას სხვებსაც უზიარებს.
ყველას შეგიმჩნევიათ, რომ გრძელთმიანი ქალები, რომლებიც თმას ხან შეკრულს, ხან გაშლილს ატარებენ, რეზინი ზოგჯერ მაჯაზე აქვთ წამოცმული, რათა საჭირო მომენტში ხელთ ჰქონდეთ.
სწორედ ასე იქცეოდა ოდრიც, თუმცა გარკვეული დროის შემდეგ აღმოაჩინა, რომ მაჯის იმ ადგილას, სადაც რეზინი ეკეთა, კანი შეუწითლდა. ცოტა ხანში სიწითლე გაიზარდა, ლაქა კი გასივდა და აუტანელი ტკივილიც დაეწყო.
ოდრის ექიმებმა ხელში ანთებითი პროცესი დაუდგინეს, რომელიც ბაქტერიული დაინფიცირებით იყო გამოწვეული.
ბუნებრივია, თმის რეზინიც შეამოწმეს. ამ უწყინარ აქსესუარში სტაფილოკოკები, სტრეპტოკოკები და გრამ-უარყოფითი ბაქტერიების აღმოაჩინეს.
რეზინი, როგორც ჩანს, საკმაოდ მჭიდრო იყო და ბრწყინავ ძაფებს შეიცავდა. ეს საკმაოდ მკვრივი ძაფებია, რომლებმაც ასეთ მჭიდრო გარემოში კანზე თვალისთვის იხილავი ნაკაწრები გამოიწვიეს. სწორედ ამ ნაკაწრებით შეაღწიეს ბაქტერიებმა ოდრის ორგანიზმში.
მას ოპერაცია ჩაუტარდა და ჩირქგროვაც ამოკვეთეს. საბოლოოდ ანტიბიოტიკებით მკურნალობის კურსის გავლის შემდეგ, ოდრი გამოკეთდა. თუმცა იარა ხელზე სამუდამოდ დარჩება.
ექიმი ამიტ გუპტა, რომელმაც ოპერაცია ჩაატარა, აცხადებს, რომ გოგონა მაინც იოლად გადარჩა.
ბაქტერიებს რომ კანის უფრო ღრმა ფენამდე მიეღწიათ, სეფსისი, იგივე სისხლის მოწამვლა განვითარდებოდა და პაციენტის გადარჩენაც ეჭვქვეშ დადგებოდა.
ოდრის კი სურს, რომ მისი ამბავი რაც შეიძლება მეტი ადამიანის ყურამდე მივიდეს. “დარწმუნებული ვარ, ძალიან ბევრი ადამიანი ატარებს რეზინს მაჯაზე და წარმოდგენაც არა აქვს, რა შეძლება მოყვეს ამას. ნუ გარისკავთ, გირჩევთ რეზინი ჯიბით ან ჩანთით ატაროთ” – ამბობს გოგონა.
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
ყურადღება: ფოტო პირობითია
წყარო: მშობლები.გე
