ნარიყალას წმ.ნიკოლოზის ტაძრის წინამძღვარი, დეკანოზი გიორგი თევდორაშვილი თქმით, როცა ადამიანი იბადება, არ აქვს მნიშვნელობა ის მართლმადიდებელია, კათოლიკეა თუ სხვა რელიგიის მიმდევარი, ყველა ადამიანს ღმერთი მაშინვე აძლევს მფარველ ანგელოზს.
არაბი იქნება, თურქი თუ ქართველი, ყველა ადამიანი ღმერთის შვილია და როგორც კი დაიბადება, ღმერთი მისცემს მფარველ ანგელოზს.
მეორე – როცა ადამიანი ინათლება და მართლმადიდებელი ქრისტიანი ხდება, ღმერთი მას აძლევს ნათლობის ანგელოზს, ეს არის ჩვენი მფარველი ანგელოზი, რომელიც მოგვეცა ნათლისღების დროს.
დეკანოზის განმარტებით, მორწმუნეები უნდა ევედრონ და დახმარება თქხოვონ როგორც ნათლობის ანგელოზს ისე მფარველ წმინდანს. ანგელოზები ადამიანის ცხოვრებაში ძალიან დიდ როლს თამაშობენ და ყველა მნიშვნელოვანი მოვლენა, რაც კი ადამიანის ცხოვრებაში აღესრულა, ყველაფერი ანგელოზების პირით ხდებოდა.
დეკანოზის თქმით ჩვენთა უფრო გავრცელებულია მთავარანგელოზი მიქაელი და გაბრიელი. გაბრიელი ყოველთვის კეთილი ამბის მაუწყებელია, მიქაელი კი მტრულად განწყობილი ძალების შემმუსვრელი. სასურველია რომ მთავარანგელოზ მიქაელისა და გაბრიელის ხატი ყველა ოჯახში იყოს.
- ლოცვა მფარველი ანგელოზისადმი
ევედრე კაცთმოყვარესა ღმერთსა, მცველო ჩემო, და ნუ დამიტევებ, არამედ ცხოვრება ჩემი მშვიდობით დაიცევ, და მომეც მე ცხოვრება უძლეველი.
შემწედ და მცველად ცხოვრებისა მომიგიე შენ ღვთისა მიერ, ანგელოზო, და გევედრები შენ, წმიდაო, ყოველთა ჭირთაგან თავისუფალ მყავ.
დიდება მამასა და ძესა და წმიდასა სულსა აწ და მარადის და უკუნითი უკუნისამდე. ამინ.
გაქვს შენ კადნიერება ღვთისა მიმართ, მცველო ჩემო წმიდაო, და ევედრე მას, რათა მიხსნეს ჭირთაგან და მაცხოვნეს მე.
- გალობანი წმიდისა ანგელოსისა მიმართ, მცველისა სულისა და ხორცთა ჩვენთასა
უგალობდეთ უფალსა, რომელმან განიყვანა ერი თვისი, ზღვასა მას მეწამულსა, მას მხოლოსა უგალობთ, რომელიცა დიდებულ არს.
წმიდაო მცველო ანგელოსო, ევედრე ღმერთსა ჩემთვის.
გალობად და ქებად მაცხოვარო ჩემო, მონა ესე შენი ღირსად გამომაჩინე, უხორცოსა მის ანგელოსისა, წინა მძღვრისა და მცველისა ჩემისა.
წმიდაო მცველო ანგელოსო, ევედრე ღმერთსა ჩემთვის.
შემიწყალე მე, რამეთუ მხოლო უდებებით, და უგულისხმოებით მდებარე-ვარ, წინა-მძღვარო ჩემო მცველო ანგელოსო, ნუ დამიტევებ მე წარწყმედილსა. დიდება მამასა და ძესა და წმიდასა სულსა.
გონება ჩემი წარმართე ვედრებითა შენითა ყოფად ბრძანებათა ღმრთისათა, რათა მივემთხვიო მისგან მოტევებასა ცოდვათასა, და მოძულებად ძვირთა წარმიძეღუ გევედრები შენ.
აწ და მარადის და უკუნითი უკუნისამდე, ამინ.
ევედრე ქალწულო, ჩემ მონისა შენისა-თვის სახიერსა ღმერთსა მცველისა მის ჩემისა თანა, და მიძღოდე მე ყოფად მცნებათა ძისა შენისათა.
უმორჩილესად გთხოვთ გააზიაროთ სტატია..
