ქართველმა გულშემატკივრებმა ერევანში სომხეთის ნაკრების საშინაო შეხვედრაზე უცხოელთა დასწრების რეკორდი დაამყარეს – ამის შესახებ პირველ არხთან სომეხმა კოლეგებმა ისაუბრეს.
მათი თქმით, ყველაზე მეტი უცხოელი გულშემატკივარი 2022 წელს ერთა ლიგის B1 ლიგის 14 ივნისს ესტუმრა, როდესაც სომხეთის ნაკრები შინ შოტლანდიასთან 1:4 დამარცხდა. მაშინ მატჩს 1000-მდე შოტლანდიელი გულშემატკივარი დაესწრო. 20 მარტის შეხვედრამდე ცნობილი იყო, რომ საქართველოს ნაკრების ქომაგებისთვის ცალკე ტრიბუნა იქნებოდა გამოყოფილი.
მაგრამ „ჯვაროსნების“ მხარდამჭერები ყველა ტრიბუნაზე იყვნენ და, მთლიანობაში, 14-ათასიან სტადიონზე 3 000 ქართველი გულშემატკივარი მოხვდა. თუ 2024 წლის ევროპის ჩემპიონატს არ მივიღებთ მხედველობაში, შესარჩევი ციკლის არცერთ გასვლით შეხვედრას ასეთი რაოდენობით ქართველი ქომაგი არ დასწრებია, რაც კიდევ ერთი რეკორდია.
