ციკლონი „კირკი“ ევროპას დაატყდა თავს!
ქარიშხალმა უკვე მოიცვა საფრანგეთი, ესპანეთი და პორტუგალია.
უცხოური მედიის ცნობით, ამ ქვეყნებში ძლიერი წვიმები და ქარია.
პორტუგალიაში 1300-ზე მეტი შეტყობინება შევიდა, მათი უმეტესობა ძირიანად მოწყვეტილი ხეების წაქცევას უკავშირდება.
განსაკუთრებული ზიანი ქალაქ პორტოს მიადგა. აქ დაზიანდა ავტომობილები და რიგ რაიონებში, შეწყდა სარკინიგზო მიმოსვლა. ამასთან, 300 000-ზე მეტ ოჯახს ელექტრომიწოდება შეუწყდა.
ესპანეთის მეტეოროლოგიური სამსახურის ცნობით, ქვეყნის ჩრდილოეთ და ჩრდილო-დასავლეთ ნაწილებში ნარინჯისფერი განგაშია გამოცხადებული. სანაპირო რაიონებში 7 მეტრიან ტალღებს ელიან.
აგრეთვე ნარინჯისფერი განგაში გამოცხადდა საფრანგეთში.
საქართველოს უმეტეს რეგიონებში 10 ოქტომბრის ჩათვლით წვიმიანი ამინდებია მოსალოდნელი. თუმცა, ნაკლებად სავარაუოა, რომ ციკლონის გავლენა ჩვენს ქვეყანაზე აისახოს.
