67 წლის ასაკში გარდაიცვალა ქართველი არქეოლოგი, ისტორიულ მეცნიერებათა დოქტორი და ილიაუნის პროფესორი ნიკა თუშაბრამიშვილი
ის საქართველოში ქვის ხანის არქეოლოგიის ახალი ეტაპის ერთ-ერთი მთავარი შემქმნელი იყო.
მეცნიერი „ონლაინ არქეოლოგიის“ სამეცნიერო რედაქტორი და პირველი რეფერირებული ჟურნალის „სამხრეთ კავკასია არქეოლოგიური კონტექსტის“ ინიციატორი და დამფუძნებელი გახლდათ.
2018-2024 წლებში მისი ხელმძღვანელობით გურჯაანში აღმოაჩინეს 500 000 წლის წინანდელი ქვედა პალეოლითის სადგომი-სახელოსნო.
სამეცნიერო კარიერის განმავლობაში თუშაბრამიშვილმა 200-ზე მეტი არქეოლოგიური ძეგლი შეისწავლა, მათ შორის, უნდოს კლდე, ბონდის მღვიმე და მარტვილის კანიონის არქეოლოგიური ზონა.
მან მნიშვნელოვანი წვლილს შეიტანა ჭიათურის არქეოლოგიური ტურიზმის განვითარებაში.
მძიმე სენით დაავადებული მკვლევარი ბოლო პერიოდში რეანიმაციაში იმყოფებოდა. კოლეგები და მეგობრები მას მოიხსენიებენ, როგორც განსაკუთრებულ ადამიანს და გამორჩეულ მეცნიერს.
წყარო: მთავარი ამბები კახეთიდან
