საქართველოს მილიონობით მოქალაქის პერსონალურმა მონაცემმა გაჟონა. ამის შესახებ ინფორმაციას Cybernews და კიბერუსაფრთხოების თემაზე მომუშავე სხვა ვებ-გვერდები ავრცელებენ.
სტატიაში ნათქვამია, რომ მონაცემთა ბაზა, რომელიც მთელ ამ პერსონალურ ინფორმაცის მოიცავდა, გერმანულ ღრუბლოვან სერვერზე გამოჩნდა და შემდეგ გაქრა.
კიბერუსაფრთხოების მკვლევარმა და Cybernews-ის გუნდმა აღმოაჩინა, რომ ერთ-ერთი ასეთი ბაზა თითქმის 5 მლნ ადამიანის პერსონალურ ინფორმაციას მოიცავდა, მეორე კი 7 მლნ-ზე მეტ სატელეფონო ჩანაწერს, რომელსაც ასევე მიბმული ჰქონდა პერსონალური მონაცემები.
უკეთ რომ აღვიქვათ, გამოცემამ საქართველოს მოსახლეობის რაოდენობას გაუსვა ხაზი – მათი თქმით, ვინაიდან, ქვეყანაში დაახლოებით 4 მლნ ადამიანი ცხოვრობს, ბაზა შესაძლოა დუბლირებულ მონაცემებს მოიცავდეს, ისევე, როგორც ჩანაწერებს გარდაცვლილ ადამიანებზე.
მეტი თვასაჩინოებისთვის, პერსონალური ინფორმაცია შესაძლოა, მოიცავდეს შემდეგ მონაცემებს:
• პირადი ნომერი
• სახელი/გვარი
• დაბადების თარიღი
• გენდერი
• სერთიფიკატის მსგავი ნომრები (სავარაუდოდ, დაზღვევა)
• ტელეფონის ნომერი (მფლობლის აღწერილობასთან ერთად)
Cybernews-ის თქმით, მიუხედავად იმისა, რომ მილიონობით მონაცემით დატვირთული სერვერი მალევე გაქრა, მავნე აქტორებმა შეიძლება, ეს ინფორმაცია მაინც გამოიყენონ როგორც პოლიტიკური, ასევე კრიმინალური საქმიანობისთვის.
“სახელმწიფოს მიერ დაფინანსებულმა ჰაკერებმა, ეს ინფორმაცია შესაძლოა გამოიყენონ პოლიტიკური მანიპულაციებისთვის, დეზინფორმაციული კამპანიებისთვის ან მიზანმიმართული შევიწროებისთვის” – ამბობს კიბერუსაფრთხოების მკვლევარი, ბობ დიაჩენკო.
