ტონგის მახლობლად 7.1 მაგნიტუდის სიმძლავრის მიწისძვრა მოხდა.
„ესოშიეთიდ პრესის“ ინფორმაციით, კუნძულოვანი სახელმწიფოს ახლოს ძლიერი მიწისძვრის შემდეგ ცუნამის საფრთხის შესახებ გაიცა გაფრთხილება.
აშშ-ის გეოლოგიური სამსახურის მონაცემების თანახმად, მიწისძვრა მთავარი კუნძულიდან ჩრდილო-აღმოსავლეთით 100 კილომეტრში მოხდა.
წყნარი ოკეანის ცუნამის გაფრთხილების ცენტრმა გამოსცა გაფრთხლება სანაპიროებზე შესაძლო სახიფათო ტალღების შესახებ.
ტონგა არის ქვეყანა პოლინეზიაში, რომელიც შედგება 171 კუნძულისგან და რომლის მოსახლეობა 100 000-ზე მეტია. მათი უმეტესობა მთავარ კუნძულზე – ტონგატაპუზე ცხოვრობს.
