ქართვეული მეზღვაური, რომელმაც რუსული დროშის ქვეშ მცურავ გემს საწვავის მიწოდებაზე უარი უთხრა, აცხადებს, რომ გემი უსაფრთხოდ იყო, მისი გადაწყვეტილება კი პროტესტის გამოხატვას წარმოადგენდა. ამის მეზღვაურმა ფეისბუქზე განმარტება გუშინ, 3 მარტს გამოაქვეყნა.
დიდი ვნებათაღელვა გამოიწვია გავრცელებულმა ვიდეომ, სადაც ჩემი ეკიპაჟი რუსული დროშით მცურავ გემს საწვავის მიწოდებაზე უარს ეუბნება.
მიუხედავად გამოწვევებისა, გადაწყვეტილება რომ უარს ვამბობდი რუსეთის დროშის ქვეშ მცურავი ყველა გემის მომსახურებაზე, გარდა გადაუდებელი საჭიროებისა, 4 დღის წინ მივიღე.
ეს იყო ჩვენი მხრიდან პროტესტის გამოხატვის ფორმა, ის მცირედი რაც ამ სიტუაციაში შეგვეძლო გაგვეკეთებინა რუსული აგრესიის გასაპროტესტებლად.
დღეს კი უკვე, საზღვაო სფეროშიც, ბრიტანეთმა, აშშ-მ, ევროპამ და მთელმა ცივილურმა სამყარომ რუსეთის სახელმწიფოსთან აფილირებულ ყველა კომპანიას სანქციები დაუწესეს.
მე როგორც ადამიანს/მეზღვაურს, ვალდებულება მაკისრია ზღვაში თუ ხმელეთზე დავეხმარო ნებისმიერს ვისაც უჭირს. რუსეთის გემი კი უსაფრთხოდ იდგა ღუზაზე.
რა სიმბოლურია როდესაც საზღვაო სფეროში ღუზა იმედის სიმბოლოდ მიიჩნევა.
სიბოროტეზე გამარჯვების იმედი არ მოგვიშალოს ღმერთმა. რუსეთი ოკუპანტია და დღემდე ჩვენი ტერიტორიების 20% აქვს ოკუპირებული, ამიტომ რუსეთი ჩვენთვის ყოველთვის მტერი და აგრესორი იქნება, უკრაინა კი აუცილებლად გაიმარჯვებს!
გთხოვთ მოიწონეთ და გააზიარეთ სტატია, ასევე გაგვიზიარეთ თქვენი აზრი კომენტარებში..
