ქეთი ეგიდუნაშვილის ყოფილმა ქმარმა ასლან ალადაშვილმა დუმილი დაარღვია და „ტიკტოკ“ ლაივის მეშვეობით მათ საერთო შვილზე ისაუბრა.
„ბავშვს უკვე ჭირივით ეზიზღება… აღარ დავინახო, ჩემი სახელი ახსენოსო. რცხვენია, რომ დედამისია. სადაც გაიხედავთ, სულ მაგის ვიდეოებია, ბავშვიც უყურებს… „ტიკტოკი“ მაგის გულისთვის წაშალა. „ფეისბუკსაც“ ხომ ვერ წავუშლი?! იქაც აგდებს მაგის ცირკობებს…
სასამართლომ ნახვის უფლება რომ შეუზღუდა, დედაა მეთქი და მე მივეცი უფლება, ჩემი ბრალია… დედას ვერავინ შეუცვლის მეთქი ბავშვს, ვამბობდი. უფლება დავრთეთ, რომ კვირაში ერთი, შაბათი დღე ენახა. ისიც მოდიოდა, ვიდეოებს უღებდა, ბავშვი ეუბნებოდა, ნუ მიღებ, ნუ დებო, ის მაინც თავისას აკეთებდა. წვენი მინდაო, ფულიც არ ჰქონდა რომ ეყიდა. საწუწაო თოფები მოჰქონდა, 2 წლის ბავშვის სათამაშოები. სოც. მუშაკებს რომ ვუთხარი, ბავშვს ნახვა არ უნდოდა, ძალით გამყავდა და ვაჩვენებდი მეთქი, დიდი დანაშაული ჩაგიდენიათო, ასე მითხრეს. ეგ ბავშვზე ძალადობა არისო.
ახლა ბავშვი კარგად არის, თავისთვის… კარგი ნიჭიერი ბავშვია, ყველაფერს კარგად სწავლობს. ინგლისური და მათემატიკა უყვარს ძალიან. დედამისის ხელში „აი ია-საც“ ვერ ისწავლიდა.
ბავშვს სკოლაში სიარული აღარ უნდოდა, რცხვენოდა. ვისაც ტელეფონი აქვს, ყველა დედამისის ვიდეოს უყურებდა. თავმოყვარეობა აქვს, 12 წლის არის. რამდენიმე წელში სასწავლებელს დაამთავრებს“, – თქვა ასლან ალადაშვილმა.
