რიყის პარკის ტერიტორიაზე დაღუპული მოზარდის დედა მედიასთან პირველ კომენტარს აკეთებს.
„ჩემი ბიჭი ჩემი დიდი ფრთა იყო. ისე მძიმედ გავზარდე, ყველაფერი გავიარეთ – ქირიდან ქირამდე… ამბობდა, არაფერი არამაქვსო, ჩემი ოთახი არამაქვსო. მე ვუთხარი – ნუ ნერვიულობ“, – ამბობს ის.
მომხდარ ტრაგედიას კი შემდეგნაირად იხსენებს.
„ყვიროდა, დამეხმარეთო, მიშველეთო. წყალი დამდგარი იყო სამ მეტრზე. ბავშვები მიყვებიან, რომ ჩავარდა და ჩვენ ისეთი დაბნეულები ვიყავითო, ტირიან, ისეთი დაბნეულები არიან. ფსიქოლოგებთან დადიან ახლა, რადგან თვალწინ პატარაობის მეგობარი დაეღუპა.
ისე მეცოდება ჩემი ბიჭი, რომ არ ვიცი, ვის უნდა დავაბრალო, ვინ არის პასუხისმგებელი“, – ამბობს დაღუპული მოზარდის დედა.
