ხშირია შემხვევები როდესაც ოჯახის დანგრევად მამაკაცის ღალატი ითვლება. ქალს უფრო შეუძლია ფარული ურთიერთობის დამალვა. ამასთან, ქალები უფრო ხშირად ყვებიან ქმრის ღალატზე, მაშინ როდესაც ქმრები ამის თქმას ერიდებიან.
ქალები უმრავლესობა საკუთარ საქციელს, საკუთარ ღალატს ამართლებს სიტყვებით: შემიყვარდა და რა მექნა? ღალატი სავავი სხვადასხვაა. ზოგი ანგარებით თხოვდება, ზოგი უსიყვარულოდ, ზოგი გვიან ხვდება, რომ შეცდომა დაუშვა და ა.შ.
- მაკა 35 წლის
ღარიბ ოჯახში დავიბადე. ხშირად სახლში საჭმლის ფულიც კი არ გვქონდა. მიუხედავად იმისა, რომ ჩემი მშობლები თავდაუზოგავად მუშაობდნენ თანხა რომელსაც შოულობდნენ საჭმელში ძლივს გვყოფნიდა.
ამასთან, სკოლაში ყველაზე ლამაზი გოგო ვიყავი. მიუხედავად იმისა, რომ ხშირად სკოლაში იმის გამო ვერ მივდიოდი, რომ ფეხსაცმელი დახეული მქონდა, სკოლის ბიჭების უმრავლესობას მე ვუყვარდი. თუმცა მე არცერთი მათგანი არ მომწონდა და პირიქით, მათგან ზედმეტი ყურადღება ძალიან მაწუხებდა.
ჩემი მთავარი მიზანი სკოლის წარმატებულად დასრულება, უნივერსიტეტში ჩაბარება და მშობლების დახმარება იყო. სკოლა მართლაც კარგად დავასრულე, უნივერსიტეტშიც ჩავირიცხე. მშობლები კიდევ უფრო მეტს მუშაობდნენ რათა ჩემთვის, ქალაქში მცხოვრები სტუდენტისთვის თანხა გამოეგზავნათ. ერთ პატარა ოთახში ვცხოვრობდი, რომელიც თითქმის მიწის ქვეშ იყო.
- ქორწინება
ერთ დღე მშობლბმა დამირეკეს, რომ მათთან ჩავსულიყავი. არვიცოდი რა უნდოდათ. თურმე ერთ ნათესავს ჩემთვის მოუძებნია კარგი სასიძო. იქვე გავიგე, რომ ის ბიჭი სახლში მოვიდოდა და თუ მოვეწონებოდა ჩემს დანიშვნას იქვე აპირებდა. ძალიან გავბრაზდი, ნივთების ჩალაგება დავიწყე.
თუმცა დედამ მაინც დამარწმუნა, ჯერ ნახე, იქნებ მოგეწონოს, ხელიდან ნუ გაუშვებ შანსსო. იმდენი აქეს ცოტა მეც დამაინტერესეს.
მოკლედ რომ გითხრათ, საბოლოოდ დავინიშნე 10 წლით უფროს კაცზე, რომელიც ქალაქში ცხოვრობდა და ფული ჰქონდა. როგორც მათ მითხრეს დიდად სიმპატიური არ იყო, თუმცა მე სულ 20 წლის ვიყავი, არც სიყვარულის გამეგებოდა რამე და დიდად არც ცხოვრების,
საბოლოოდ ჩემი ქმარი კარგი ადამიანი აღმოჩნდა. მაფასებდა, ჩემს მშობლებს ეხმარებოდა. თუმცა ვერაფრით ვერ შევიყვარე. ქონდა უარყოფითიც, სწავლა არ გამაგრძელებინა, მუშაობის უფლებას არ მაძლევდა. ცოტას ეჭვიანობდა კიდეც.
საბოლოოდ, იმ ფონზე, როდესაც გარეთაც კი ვერ გავდიოდი თავისუფლად გადავწყვიტე, რომ შვილი გამეჩინა. ვიფიქრე ჩემს ცხოვრებას ცოტა აზრს შემატებდა. იმ დროს ვერც კი ვიფიქრებდი, რომ შევძლებდი მეუღლისთვის მეღალატა. მძულდა ხალხი ვისაც ამის გაკეთებდა შეეძლო.
- შეცდომა?
საბოლოოდ ისე მოხდა, რომ გავიცანი ადამიანი, ვინც თავდავიწყებით შემიყვარდა. მზად ვიყავი მის გამო, მასთან რამდენიმე საათის გატარების სანაცვლოდ ყველაფერი დამეთმო. თუმცა პრობლემა ის იყო, რომ მეუღლესთან დაშორების შემთხვევაში ჩემს მშობლებს სავარაუდოდ ისევ შიმშილი ელოდათ.
საბოლოოდ ვახერხებ, რომ თვეში ერთხელ ვნახო. ამითაც ბედნიერი ვარ. მერწმუნეთ, საშინელებაა, როცა მხოლოდ ამტერიალური კეთილდღეობისთვის, სიყვარულის გარეშე თხოვდებით. დღეს ისევ ქმართან ვცხოვრობ, შვილიც გვყავს. მაგრამ სხვა მიყვარს. მასაც ცოლ-შვილი ჰყავს და ასე ჩუმად ვხვდები ერთმანეთ. ძალიან ვწუხვარ, რომ ქმრის მოღალატედ ვიქეცი.
არვიცი რა ვქნა, არვიცი რამდენად დამნაშავე ვარ და როგორ უნდა მოვქცეულიყავი.
გთხოვთ გაგვიზიარეთ თქვენი აზრი კომენტარებში.
